Sońǵy jyldary Qazaqstanda 18 kolledj jabyldy. Bunyn sebebin QR Bilim jáne ǵylym mınıstrliginiń Tehnıkalyq jáne kásiptik bilim departamentiniń dırektory Nasymjan Ospanova túsindirip berdi, dep habarlaıdy Egemen.kz.
«Sońǵy jyldary respýblıkamyzda 18 kolledj jabyldy. Olar lısenzııany qaıtaryp alý sebebimen jabylǵan joq, ońtaılandyrý, profıldendirý maqsatynda jabyldy jáne negizinen bul shara jeke kolledjderge qatysty boldy», dep túsindirdi Nasymjan Ospanova.
Ol kolledjderde bilim berýdi jaqsartýǵa qatysty birqatar is-sharalar ótkizilgenin aıtty. Birinshi kezekte, bilim berý baǵdarlamalaryn ázirleýde akademııalyq derbestik berildi, ol eńbek naryǵynyń talaptaryna jyldam, ońtaıly den qoıýdy, Bilim mınıstrligi kóptegen jyldar boıy rettep kelgen úlgilik oqý josparlary men baǵdarlamalarynan qalys qalmaýdy kózdeıdi.