Oblystyq densaýlyq saqtaý basqarmasynyń basshysy Ashan Baıdýálıevtyń málimetinshe, vaksınalardy 365 760 adam alýy tıis.
Byltyrǵy aqpannan beri vaksınalardyń birinshi komponentin 270 287 atyraýlyq ektirip otyr. Bul – vaksına alýshylar tizimindegi adamdardyń 73,9 paıyzy.
«Koronavırýs ınfeksııasyna qarsy vaksınalardyń ekinshi komponentin 257 768 adam (70,4%) saldyrdy. Al, bıylǵy sáýirge deıin revaksınasııalaýdan ótetin 215 766 adam tirkeldi. Qazir onyń 25,1 paıyzy nemese 54 237 adam revaksınasııadan ótti. Pfizer vaksınasynyń birinshi komponentin 7 926, ekinshi komponentin 6 592 adam ektirdi», deıdi Ashan Baıdýálıev.
Onyń aıtýynsha, sońǵy eki aptada Pfizer ekpesiniń birinshi komponentin alý kórsetkishi 2,3 esege ósken. Alaıda, atalǵan vaksınanyń ekinshi komponentin saldyrý 1,3 esege tómendegeni baıqalady.