Alfa-Bank Qazaqstan nesıe berý toqtaǵanyn, sondaı-aq qolma-qol aqsha alý men aýdarymdarǵa lımıt engizilgenin málimdedi, dep habarlaıdy Egemen.kz.
«Biz AQSh dollary jáne eýro aýdarymdaryn ýaqytsha toqtatamyz. Usynys retinde aıta keteıik, siz bankomat jáne bank bólimshelerinen qolma-qol aqsha alyp, basqa bankterde teńgege aýystyra alasyz. Sondaı-aq, valıýtany teńgege aıyrbastaý múmkindigi bar», dep jazylǵan habarlamada.
Sonymen qatar, jeke jeliden tys Visa jáne MasterCard kartalary ýaqytsha jumys istemeıdi.
Bank klıentterge Alfa-Bank bankomattaryn qoldanýdy usynady. Qazirgi ýaqytta shetelde júrgen klıentter qolma-qol aqsha ala alady nemese basqa bank kartochkasymen tólem jasaı alady.