Atyraý oblysy Maqat aýdanyndaǵy bilim oshaqtarynyń sanıtarlyq jaǵdaıy talapqa saı emes. Bul týraly oblystyq prokýratýranyń baspasóz qyzmeti habarlady.
Prokýrorlyq qadaǵalaýdyń basymdy baǵyttarynyń biri - jasy kámeletke tolmaǵandardyń quqyqtarynyń saqtalýy bolyp tabylady.Osy negizde, Maqat aýdandyq prokýratýrasymen bilim berý uıymdaryndaǵy sanıtarlyq-epıdemıologııalyq normalarynyń jáne órt qaýipsizdigi erejeleriniń saqtalýyna tekserý júrgizildi.
Tekserý qorytyndysymen, Maqat poselkesindegi balalar baqshasynyń jáne Dossor poselkesinde ornalasqan eki mekteptiń ashanalarynda ishek taıaqshasy bakterııalary anyqtalǵan. Anyqtalǵan kemshilikke oraı, prokýrorlyq yqpal etý aktisi negizinde atalǵan bilim berý mekemeleriniń qyzmetteri ýaqytsha toqtatylyp, 936 balanyń quqyǵy qorǵaldy. Bul nysandar sanıtarlyq-epıdemıologııalyq normalarǵa tolyq sáıkestendirilgenshe, olardyń qyzmetterin toqtatý týraly aýdanaralyq mamandandyrylǵan ekonomıkalyq sotqa aýdandyq tutynýshylardyń quqyǵyn qorǵaý basqarmasymen talap aryz berildi.
Joldasbek Shópeǵul.
Derekkóz: Oblystyq prokýratýra.
Foto: www. Today.kz.