Elordada Halyqaralyq sport kúnine oraı Sportty damytý dıreksııasy jáne Fransııanyń Qazaqstandaǵy elshiliginiń uıymdastyrýymen 2024 jyly Parıjde ótetin Olımpııa oıyndary qarsańynda «Parıj Olımpıadasyna alǵashqy qadam» atty is-shara ótti.
№17 Sharl de Goll-Mıras fransýz mektebiniń jáne ózge de bilim mekemeleriniń júzden astam oqýshysy «álemdik estafetaǵa» qatysty. 24 saǵat boıy jalǵasatyn bul estafeta Fıdjıden bastaý alyp, Japonııa, Kambodja, Qazaqstan, Úndistan, Kamerýn, Brazılııa jáne AQSh elderinen ótip, Taıtıde aıaqtalady (Fransýz Polınezııasy). Ol Jer sharynyń qyryqtan astam elin jáne 24 saǵat ýaqyt beldeýin qamtıdy. Is-sharaǵa Fransııanyń Qazaqstandaǵy elshisi Dıde Kaness pen Mádenıet jáne sport vıse-mınıstri Serik Jarasbaev, sondaı-aq 18 sportshy qatysty.
Aıta keteıik, 1900 jáne 1924 jyldardaǵy Olımpıadalardan keıin Parıj qalasy 2024 jyly úshinshi ret jazǵy Olımpııa oıyndaryn qabyldamaq. Tórtjyldyqtyń basty dodasy 2024 jyldyń 26 shildesi men 11 tamyzy aralyǵynda ótedi.