QHA-nyń Mańǵystaý oblystyq fılıalynyń ǵımaratynda Ortalyq saılaý komıssııasynyń (OSK) tóraǵasy Nurlan Ábdirov saıası partııalardyń, ÚEU, BAQ ókilderimen, qoǵamdyq pikir kóshbasshylarymen, blogerlermen, osy oblystaǵy saılaý komıssııalarynyń múshelerimen úlken kezdesý ótkizdi. Is-sharaǵa 260 adam qatysty, dep habarlady Ortalyq saılaý komıssııasynyń baspasóz qyzmeti.
Kezdesý barysynda Prezıdenttiń Joldaýyndaǵy saılaý prosesin jańǵyrtý jónindegi bastamasy keńinen talqylandy. Qatysýshylar majorıtarlyq jəne proporsıonaldy saılaý júıelerin engizý, elektrondy daýys berý, saılaýshylardyń biryńǵaı elektrondy tizimin qalyptastyrý məselelerine erekshe nazar aýdardy. Budan basqa, saılaý prosesiniń ashyqtyǵy men jarııalylyǵyn, onyń ishinde aýmaqtyq jəne ýchaskelik saılaý komıssııalarynyń qyzmetin qamtamasyz etý, ulttyq baıqaýshylardyń mərtebesin, olardyń quqyqtary men ókilettikterin arttyrý, saılaý ýchaskelerin beınebaqylaý kameralarymen jaraqtandyrý qajettigi týraly məseleler qozǵaldy.
Jurtshylyq oblystyń munaı ken oryndarynda vahtalyq ədispen jumys isteıtin saılaýshylarǵa daýys berý úshin ońtaıly jaǵdaı jasaý, múgedektigi bar saılaýshylardyń qajettilikterin eskere otyryp, saılaý ýchaskeleriniń ınfraqurylymyn jetildirý, olardyń fızıkalyq qoljetimdiligin jəne tıisti jaraqtandyrýdy qamtamasyz etý jónindegi usynystardy alǵa tartty. Sondaı-aq kezdesýge qatysýshylar jastardyń quqyqtyq saýattylyǵy men saılaý mədenıetin arttyrý qajettigin atap ótti. OSK tóraǵasy bul məselege qoldaý bildire otyryp: «О́ńirlerde ótip otyrǵan kezdesýlerde men jastardyń saılaý prosesine degen qyzyǵýshylyǵyn baıqap kelemin. Olar ózderiniń kreatıvti ıdeıalaryn alǵa tartyp keledi. Endigi bizdiń mindetimiz – jastarǵa qoldaý kórsetý, oqytý jəne durys baǵyt-baǵdar berý», dedi.
Budan basqa, jurtshylyq Qazaqstan Konstıtýsııasyna jəne saılaý zańnamasyna engiziletin barlyq jańa túzetýlerdi qabyldaý aldynda olardy halyqpen talqylaý qajet jəne mundaı talqylaýdy júrgizý mańyzdy dep atady. Sondaı-aq osy ispetti talqylaý jəne túsindirý jumystary birinshi kezekte memlekettik tilde júrgizilýi tıis degen óz oılaryn bildirdi. Kezdesý qorytyndysy boıynsha qoǵam ókilderi OSK basshylyǵyna saılaý prosesine qatysýshylarǵa óz pikirlerin alǵa tartyp, saılaý prosesin jetildirý jóninde birqatar naqty usynystardy kóterýge múmkindik týǵyzyp otyrǵan osyndaı kezdesý úshin óz alǵystaryn bildirdi.
Osy kúni Sh.Esenov atyndaǵy Kaspıı tehnologııalar jəne ınjınırıng ýnıversıtetinde OSK tóraǵasy JOO jəne kolledj stýdentterimen kezdesti, onda elektorattyq prosestiń kóptegen ózekti məseleleri talqylandy. Stýdentter daýys berý qupııasyn, saılaý prosesiniń ashyqtyǵy men qoǵamdyq monıtorıngti qamtamasyz etý, saılaý komıssııalary músheleriniń quqyqtary men ókilettikteri məseleleri boıynsha óz qyzyǵýshylyqtaryn tanytty. Olar saılaý komıssııalarynyń múshelerine óz qyzmetin júzege asyrý kezinde naqty ne isteýge jol berilmeıtini, saılaýǵa qatysa almaıtyn azamattardyń məseleleri jóninde suraqtar qoıdy.
Sondaı - aq bolashaq saılaý naýqandarynda blokcheın-tehnologııalardy engizý, elektrondy daýys berý boıynsha belsendi pikirtalas ótti. Birqatar stýdenttiń pikirinshe, zamanaýı tehnologııalardy qoldaný búkil elektorat úshin daýys berýdiń qoljetimdiligin, ony qorytyndylaýdyń tıimdiligin qamtamasyz etedi, sonymen qatar saılaýshylardyń saılaý ınstıtýtyna degen senimin arttyrady. Bul rette, kezdesýge qatysqan jekelegen adamdar elektrondy daýys berý óz kezeginde tıisti qaýipsizdik pen onyń qupııalyǵyn saqtaý jolynda qaýip-qaterlerge əkep soqtyrýy da múmkin degen pikir bildirdi. Stýdentter Prezıdenttik saılaý kezinde saılaý aldyndaǵy pikirtalas ótkizýdi usyna otyryp, pikirsaıystarǵa kandıdattardyń senimdi tulǵalary emes, kandıdattardyń ózderi mindetti túrde qatysýy tıis degen óz oılaryn alǵa tartty.
Kezdesý qorytyndysy boıynsha Nurlan Əbdirov belsendi jəne tartymdy dıalog úshin jastarǵa óz rızashylyǵyn bildirdi.
Mańǵystaý oblysyna deıin OSK tóraǵasynyń osy sııaqty kezdesýleri Qyzylorda, Atyraý, Túrkistan, Aqtóbe, Aqmola oblystarynda, sondaı-aq Nur-Sultan qalasynda ótti. Kelesi jumys sapary Jambyl oblysyna josparlanýda.