Shyǵys Qazaqstan oblysynda qar kóshkini júrý qaýpine oraı jol jabyldy, dep habarlaıdy Egemen.kz.
ShQO tótenshe jaǵdaılar departamenti baspasóz qyzmetiniń málimetine súıensek, óńirdegi tasjoldardyń birin qar kóshkini jaýyp qalýy múmkin.
«Búgin saǵat 20.00-den bastap respýblıkalyq mańyzy bar «О́skemen-Altaı-Úlken Naryn-Katonqaraǵaı-Rahman qaınary» tasjolynyń 420-450 (Berel aýylynan Rahman qaınary sanatorıine deıingi jol) shaqyrymynda kóliktiń barlyq túrleri úshin qozǵalysqa tyıym salynady», delingen aqparatta.
Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.