Fýtboldan Qazaqstan chempıonatynyń besinshi týr oıyndarynan keıin taǵy da kóshbasshy komanda aýysty. О́tken týrda «Aqjaıyqpen» teń oınaǵan «Qaırat» bul joly óz alańynda Aqtaýdyń «Kaspıı» klýbyn jeńip, 11 upaımen týrnır kestesinde jeke-dara kósh bastady. Al tórtinshi týrdan keıin top bastaǵan Qostanaıdyń «Tobyly» syrt alańda Shymkenttiń «Ordabasynan» iri eseppen jeńilip, úshinshi orynǵa túsip qalsa, Qaraǵandynyń «Shahteri» qatarynan tórtinshi matchta jeńiske jetip, týrnır kestesinde ekinshi orynǵa kóterildi.
Besinshi týrdyń ortalyq oıyny Almatydaǵy «Ortalyq» stadıonda jergilikti «Qaırat» pen Aqtaýdyń «Kaspıı» klýbtary arasynda ótti. Keıingi eki týrda qarsylastarymen teń túsip, tórt upaıynan aıyrylǵan Qurban Berdyev shákirtteri týrnır kestesindegi jaǵdaıyn jaqsartý úshin bul matchta qalaıda «teńizshilerden» upaı alýǵa tıis bolatyn. Al qatarynan eki týrda jeńiske jetken «Kaspııge» de upaı joǵaltý tıimsiz bolatyn. Alaıda Nıkolaı Kostov shákirtteri teń dárejede ótken oıynda 0:1 esebimen jeńilip qaldy. Oıynnyń 14-mınýtynda chempıonattyń qazirgi úzdik surmergeni Hose Kante mergendigimen kózge túsip, esep ashty. Biraq qaptaldaǵy tóreshi gvıneıalyq shabýylshy oıynnan tys qalǵanyn bas tóreshige eskertip, goldy eseptemeı tastady. Degenmen taım aıaqtalar tusta Joao Paýlo jeke sheberliginiń arqasynda «Kaspııdiń» qaqpasyna gol soǵyp, komandasyna mańyzdy 3 upaı syılady. Sóıtip, Qurban Berdyevtyń komandasy týrnır kestesinde birinshi orynǵa shyqty. «Kaspıı» match boıy dopqa ıelik etkenimen, qaýipti shabýyl, gol soǵatyn múmkindikter boıynsha «Qaırattan» qalyp qoıdy.
Besinshi týrdyń basty sensasııasy Shymkenttegi «Ordabasy» men «Tobyl» arasyndaǵy matchta tirkeldi. Tórt týr qatarynan jeńilistiń ne ekenin bilmeı kele jatqan byltyrǵy el chempıondary kútpegen jerde birinshiliktiń ortańqol komandasynan jeńilip qaldy – 3:1. Tablodaǵy nátıjeniń kórinisine 14-mınýtta «Tobyl» qorǵaýshysy Aleksandr Marochkınniń alańnan qýylýy qatty áser etti. Qaqpaǵa enip bara jatqan dopty ádeıi qolymen qaıtarǵany úshin bas tóreshi Marochkınge birden «qyzyl qaǵaz» kórsetip, «Tobyl» qaqpasyna penaltı belgiledi. 11 metrlik núktede Elhan Astanov múlt ketken joq – 1:0. 41-mınýtta Igor Sergeev tarazy basyn teńestirgenimen, 45-mınýtta «Ordabasynyń» togolyq shabýylshysy Serj Nıýıadzı komandasyn qaıtadan alǵa shyǵardy. Ekinshi taımnyń sońynda S.Nıýıadzı taǵy da mergendigimen kózge túsip, oıynnyń núktesin qoıdy. El chempıondaryn senimdi túrde jeńgen «Ordabasy» týrnır kestesinde 6-orynǵa kóterildi. Al tuńǵysh ret jeńilip, osy kúnge deıin qaqpasyna birde-bir gol jibermeı, birden baqandaı úsh gol ótkizip alǵan «Tobyl» top basynan úshinshi satyǵa syrǵydy.
Chempıonatty sátsiz bastaǵan elordanyń «Astana» klýby týr ótken saıyn kúsheıip keledi. Keıingi eki týrda alty upaı ıelengen elordalyqtar keshe de jeńisti jolyn jalǵastyrdy. «Astana Arenada» «Taraz» klýbyn qabyldap, qonaqtardy 2:1 esebimen qapy qaldyrdy. Birinshi taımnyń 22-mınýtynda alań ıeleri sapynan Maks Ebong kezekti shabýylyn golmen túıindep, matchtyń esebin ashqan bolsa, ile-shala qonaq komandanyń qorǵaýshysy Lýka Gadranı buryshtamadan gol soǵyp, tarazy basyn teńestirdi. Al ekinshi taımnyń 67-mınýtynda «Tarazdyń» qorǵaýshysy Aslan Darabaevtyń pasynan keıin óz qaqpasyna gol soǵyp aldy. Bul – «Astananyń» chempıonattaǵy qatarynan úshinshi jeńisi bolsa, «Taraz» osymen ekinshi oıynda jeńilistiń kermek dámin tatty.
Túrkistan oblysynyń «Maqtaaral» klýbyn qabyldaǵan Qaraǵandynyń «Shahteri» qonaqtar qaqpasyna bes gol soǵyp, týrdyń eń iri jeńisin tirkedi – 5:1. Negizi qaraǵandylyqtar osy oıyndaǵy alty goldyń bárin de ózderi soqty. Tek sońǵysy avtogol retinde tirkelip, qonaqtar paıdasyna jazyldy. Stadıonǵa jınalǵan tórt myń jankúıerin jarqyn jeńisimen qýantqan «Shahter» ekinshi orynǵa kóterildi. Al chempıonattaǵy ázirshe eń iri jeńiliske ushyraǵan maqtaly ólkeniń komandasy bir upaımen kósh sońynda keledi.
Sondaı-aq besinshi týr aıasynda Atyraýǵa sapar shekken Oraldyń «Aqjaıyq» klýby Oralhan О́mirtaevtyń soqqan jalǵyz golynyń arqasynda kezekti úsh upaıyna qol jetkizip, 11-orynǵa kóterildi. Batystyń taǵy bir komandasy – «Aqtóbe» de syrt alańda kezekti jeńisin toılady. Pavlodarda chempıonat debıýtanty «Aqsýmen» kezdesken Vladımır Mýhanov shákirtteri 2:1 esebimen basym tústi. Alǵashqy tórt týrdan keıin bas bapker Vladımır Gazzaevty qyzmetinen alǵan «Turan» óz alańynda Petropavldyń «Qyzyljarymen» teń oınady – 0:0.
VI týr oıyndary 15-16 sáýir kúnderi ótedi. Juma kúni «Turan» – «Ordabasy», «Qyzyljar» – «Aqtóbe», «Kaspıı» – «Atyraý», «Tobyl» – «Qaırat», «Aqjaıyq» – «Astana» komandalary kezdesse, senbi kúngi oıyndarda «Maqtaaral» – «Aqsý» jáne «Taraz» – «Shahter» klýbtary baq synaıdy.
Týrnır kestesi
№
Klýb
O
J
T
U
Dop
aıyrmasy
Upaı
1
«Qaırat»
5
3
2
0
5-1
11
2
«Shahter»
4
3
1
0
10-2
10
3
«Tobyl»
5
3
1
1
7-3
10
4
«Kaspıı»
5
3
1
1
4-2
10
5
«Astana»
5
3
0
2
6-5
9
6
«Ordabasy»
5
2
1
2
7-5
7
7
«Atyraý»
5
2
1
2
4-4
7
8
«Aqtóbe»
5
2
1
2
5-6
7
9
«Taraz»
5
1
2
2
3-4
5
10
«Aqsý»
4
1
1
2
3-4
4
11
«Aqjaıyq»
4
1
1
2
1-3
4
12
«Qyzyljar»
5
1
1
3
2-5
4
13
«Turan»
4
0
2
2
0-4
2
14
«Maqtaaral»
5
0
1
4
3-12
1