Premer-mınıstr Álıhan Smaıylov jer qoınaýyn paıdalanýǵa arnalǵan kelisimsharttardy uzartýǵa jáne ýran óndirýshi kásiporyndar qyzmetkerleriniń jumys oryndaryn saqtaýǵa qatysty depýtattyq saýalǵa jaýap berdi, dep habarlaıdy Egemen.kz.
Qazaqstan Respýblıkasynyń «Jer qoınaýy jáne jer qoınaýyn paıdalaný» týraly Kodeksinde ýran óndirýdi retteıtin jáne ýran óndirýge jer qoınaýyn paıdalaný quqyǵyn berý jáne toqtatý erekshelikteri qarastyrylǵan», dedi Á. Smaıylov óz jaýabynda .
Sonymen qatar onyń aıtýynsha, Kodeks normalaryn qoldaný aıasynda ýran óndirý kezeńin uzartý jáne barlaý kezeńinen óndirý kezeńine ótý sharttary sııaqty máselelerde birqatar kemshilik anyqtaldy.
«Budan basqa Kodekstiń ótpeli erejelerinde kodeks qoldanysqa engizilgenge deıin jasalǵan kelisimsharttar úshin óndirý kezeńin uzartýdy kózdeıtin norma joq. Qazirgi ýaqytta Energetıka mınıstrligi «Qazatomónerkásip «UAK» AQ-men birlesip Kodekske túzetýlerdiń tıisti paketin ázirledi, ony qabyldaý áleýmettik-ekonomıkalyq máselelerdi, onyń ishinde ýran óndirýshi kásiporyndar boıynsha jer qoınaýyn paıdalanýǵa arnalǵan kelisimsharttardy uzartý máselesin sheshýge múmkindik beredi. Atalǵan túzetýler bıyl Úkimettiń zań shyǵarý qyzmeti sheńberinde qaralady», dep túıindedi Premer-Mınıstr.
Aıana Toǵanbek