«Qazgıdromet» RMK-sy taratqan málimetterge qaraǵanda, 15 sáýir kúni sıklonnyń áserine baılanysty elimizdiń ońtústiginde, ońtústik-shyǵysynda frontaldy bólikterdiń ótýine baılanysty jaýyn jaýyp, naızaǵaı oınaıdy, dep habarlaıdy Egemen.kz.
Qazaqstannyń ózge óńirlerindegi kún raıyna antısıklon jotasy áser etip, kún ashyq bolady. Respýblıka boıynsha jel kúsheıip, soltústik-batysta, soltústikte tuman túsedi.
Kúndiz Almaty oblysynyń taýly aýdandarynda naızaǵaı oınap, oblystyń soltústigi men shyǵysynda jel 18-23 m/s jyldamdyqpen soǵady. Kúndiz Jalańashkól aýdanynda jeldiń ekpini 28 m/s-qa jetedi.
Batys Qazaqstan oblysynyń batysynda naızaǵaı oınap, oblystyń soltústiginde, shyǵysynda jel 15-20 m/s jyldamdyqpen esedi.
Túnde Aqtóbe oblysynyń soltústiginde naızaǵaı oınap, oblystyń soltústik-batysynda jel 16 m/s-qa deıin kúsheıedi.
Qostanaı oblysynyń batysyna tuman túsip, naızaǵaı oınaıdy, kúndiz oblystyń shyǵysynda jeldiń jyldamdyǵy sekýndyna 15-20 metrge jetedi. Qostanaı oblysynyń batysynda, soltústiginde tuman túsedi, naızaǵaı oınaıdy, kúndiz oblystyń shyǵysynda jel turyp, jyldamdyǵy sekýndyna 15-20 metrge jetedi.
Túnde jáne tańerteń Soltústik Qazaqstan oblysynyń ońtústik-batysynda tuman túsip, kúndiz soltústikte, oblystyń batysynda jeldiń jyldamdyǵy sekýndyna 15-20 metrge deıin kúsheıedi.
Shyǵys Qazaqstan oblysynyń kúndiz batysynda, ortalyǵynda, ońtústiginde jeldiń jyldamdyǵy sekýndyna 15-20 metrge jetip, ekpini 23 m/s-qa deıin kúsheıedi.
Kúndiz Atyraý oblysynyń soltústiginde, Qaraǵandy oblysynyń ońtústik-shyǵysynda 15-20 m/s jyldamdyqpen jel turady, túnde jáne tańerteń Qyzylorda oblysynyń batysynda naızaǵaı oınaıdy.