Bir ǵasyrdan astam merzimnen beri «qara altyn» óndirýmen óndirisi órge basqan Atyraýda qus sharýashylyǵyn damytýǵa bet burylmaq. Bul týraly «ATYRAU INVEST –2014» bıznes-forýmynyń barysynda «Atyraý» ÁKK» UK» AQ basqarma tóraǵasy Abat Tasymov habarlady.
A. Tasymovtyń málimdeýinshe, óńirde qýattylyǵy shamamen 2 myń tonnaǵa jetetin qus fabrıkasy salynbaq. Mundaǵy bir erekshelik, óńirde alǵash ret qaz etin óndirý qolǵa alynady. Sonymen birge, Atyraý oblysynda 2600 tonna taýyq etin óndiretin taǵy bir qus fabrıkasynyń qurylysy bastalady. Osyǵan baılanysty qus fabrıkasyn qarjylandyrý maqsatyndaǵy ortaq memorandýmǵa «ATYRAU INVEST -2014» bıznes-forýmy kezinde qol qoıyldy. Qus fabrıkasyn 2015 jyly iske qosý josparlanyp otyr.
Qazir Atyraý oblysynyń Jylyoı aýdanynda bir qus fabrıkasy jumys jasaıdy. Taıaý arada bul qus fabrıkasynyń taýyq eti men jumyrtqa shyǵarý kólemin ulǵaıtý kózdelýde.
Joldasbek Shópeǵul.
Atyraý oblysy.
Derekkóz: «Atyraý» ÁKK» UK» AQ.
Foto: Avtor.