Sýperorta salmaqta álemniń absolıýt chempıony Saýl «Kanelo» Alvares (57-1-2, 39 KO) óziniń jattyǵý lagerinde júrgen qazaq boksshylardy maqtady, dep habarlaıdy Egemen.kz Vesti.kz saıtyna silteme jasap.
«Kaneloǵa» reseılik Dmıtrıı Bıvolǵa (19-0, 11 KO) qarsy jekpe-jekke daıyndalýǵa Aıdos Erbosynuly (16-0, 11 KO) kómektesti. Sonymen qosa meksıkalyqtyń lagerinde ózge de qazaqstandyqtar bar. Olar Evgenıı Pavlov, Bek Nurmaǵanbet, Danıl Semenov, Abylaıhan Júsipov pen Ábilhan Amanqul.
«Qazaqstanda jaqsy boksshylar kóp. Bir-eki apta buryn bizdiń lagerge birneshe qazaqstandyq boksshy qosyldy. О́te myqty boksshylar, jalpy Qazaqstan myqty boksshylary bar jaqsy el. Sizderdiń elge mindetti túrde barǵym keledi. Bul qazaqtar jýyrda chempıon bolady, buǵan kúmánim joq. Alǵa, Qazaqstan», dedi S. Alvares.