Almatyda 5 adamdy atyp óltirgen Igor Dýjnovtyń isi Qylmystyq ister jónindegi mamandandyrylǵan aýdanaralyq sotynda qaraldy, dep habarlaıdy Egemen.kz.
Sot otyrysynda prokýror Igor Dýjnovty ómir boıyna bas bostandyǵynan aıyrýdy surady.
Eske salaıyq, byltyr 20 qyrkúıek kúni Almatyda jeke úılerdiń birine kelgen sot oryndaýshyǵa, ýchaskelik polısııa ınspektorlaryna úı ıesi, 1967 jyly týǵan azamat, oq atty.
Qyzmet barysynda bes adam, onyń ishinde eki polısııa qyzmetkeri oqtan jaraqat alyp, kóz jumdy. Qaza tapqan polıseılerdiń biriniń artynda – 5, ekinshisinde 2 bala qaldy. Keıinirek Jeke sot oryndaýshylarynyń palatasy oqıǵaǵa qatysty túsinikteme berdi.
«Bank SentrKredıt» AQ is boıynsha qajetti barlyq qujat usynylatynyn jáne zardap shekkenderdiń týystaryna jan-jaqty kómek kórsetiletinin jetkizdi.