Ekibastuzda joldardaǵy zań buzýshylyq úshin laýazymdy tulǵalar jazalandy, dep habarlaıdy Egemen.kz Ravlodarnews.kz-ke silteme jasap.
Qalalyq polıseıler Turǵyn úı kommýnaldyq sharýashylyq ókilderimen birlesip, avtomobıl joldary men eldi mekenderdiń kóshelerin, jol qurylystaryn kútip ustaý jaǵdaılaryn tekserdi.
Oblystyq polısııa departamenti baspasóz qyzmetiniń málimetinshe, tekserý nátıjesinde 46 aqaý anyqtalyp, olardy joıýǵa uıǵarym shyǵaryldy, al anyqtalǵan aqaýlar joıylǵan.
Sonymen qatar 3 myńǵa jýyq jol belgisi ornatyldy, 132 jaıaý júrginshiler ótkeli jabdyqtaldy, onyń 9-y retteletin, 123-i rettelmegen.
«Joldardy, temirjol ótpelerin jáne basqa da jol qurylystaryn kútip ustaý erejelerin buzǵany úshin 7 laýazymdy tulǵa ákimshilik jaýapkershilikke tartyldy. Tehnıkalyq aqaýy bar kólik quraldaryn iske qosqany úshin 16 laýazymdy tulǵa jáne basqarý quqyǵy joq nemese júrgizý quqyǵynan aıyrylǵan júrgizýshige kólik quralyn basqarýǵa ruqsat bergeni úshin úsh laýazymdy tulǵa jaýapkershilikke tartyldy», dedi Ekibastuz qalasy PB bastyǵynyń birinshi orynbasary Tólegen Qudaıbergenov.
Budan basqa, buzýshylyqtardy joıý boıynsha qabyldanatyn sharalar týraly aqparatty ýaqytyly usynbaǵany úshin bir JShS-ǵa qatysty QR ÁQBtK-niń 462-baby 4-bóligi boıynsha ákimshilik is qozǵalǵan.
Materıal sotqa jiberildi.