Janybek Nurjanov Memlekettik kirister komıteti tóraǵasynyń orynbasary bolyp taǵaıyndaldy, dep habarlaıdy Egemen.kz MKK baspasóz qyzmetine silteme jasap.
«QR Qarjy mınıstriniń 2022 jylǵy 22 sáýirdegi buıryǵy boıynsha Janybek Nurjanov Memlekettik kirister komıteti tóraǵasynyń orynbasary laýazymyna taǵaıyndaldy. Ujymǵa ony Memlekettik kirister komıtetiniń tóraǵasy Álı Altynbaev tanystyrdy», delingen habarlamada.
Nurjanov Janybek Máýlitbekuly eńbek jolyn 1989 jyldan bastap, О́skemen qalasy boıynsha Salyq ınspeksııasynyń jeke kásipkerlik qyzmetterge salyq salý bóliminiń salyq ınspektory, aǵa, jetekshi salyq ınspektory, Memlekettik kirister mınıstrligi О́ndiristik emes tólemder departamentiniń bas mamany, Astana qalasynyń Almaty aýdany boıynsha Salyq komıteti tóraǵasynyń orynbasary, Aqtóbe qalasy boıynsha Salyq komıtetiniń tóraǵasy, Qostanaı qalasy boıynsha Salyq basqarmasynyń basshysy, Atyraý oblysy boıynsha Memlekettik kirister departamenti basshysynyń orynbasary laýazymdarynda jumys istegen.
2019 jylǵy maýsymnan bastap - Salyq ádisnamasy departamentiniń dırektory, 2020 jylǵy mamyrdan bastap - QR QM Memleketik kirister komıteti Ákimshilendirý departamentiniń dırektory.
2021 jylǵy qańtardan bastap Pavlodar oblysy boıynsha Memlekettik kirister departamentiniń basshysy.