Bul jaıynda búgin Senattaǵy Úkimet saǵatynda Energetıka mınıstri Bolat Aqsholaqov aıtty, dep habarlaıdy Egemen.kz.
«Energetıka mınıstrligi men QazaqGaz ulttyq kompanııasynyń taǵy bir mindeti – magıstraldyq gaz qubyrlaryn jańǵyrtý. Negizgi gaz tasymaldaý ınfraqurylymy jalpy keńes zamanynda salynǵan jáne qaýipsiz paıdalanýdy qamtamasyz etý úshin úlken ınvestısııany qajet etedi. Qazirgi ýaqytta birqatar gaz qubyry tolyq qýatta jumys isteıdi jáne otandyq gazdy el tutynýshylaryna turaqty jetkizýdi qoldaý úshin jańa qýattar salý qajet. Mysaly, magıstraldyq gaz qubyrlarynyń 21 paıyzy 50 jyldan astam, 50 paıyzǵa jýyǵy 40 jyldan astam ýaqyt boıy paıdalanylyp keledi. Jalpy, tozýdyń ortasha deńgeıi 75 paıyzdan asady», dedi ol.