2025 jylǵa qaraı Qazaqstanda óndirilgen qus etimen ımportty tolyqtaı almastyrý josparlanyp otyr. Bul týraly Úkimet otyrysynda Aýyl sharýashylyǵy mınıstri Erbol Qarashókeev málim etti, dep habarlaıdy Egemen.kz.
Aýyl sharýashylyǵy mınıstriniń málimetinshe, 2021 jyly qus eti boıynsha ımport úlesi 168,5 myń tonnany qurasa, elimizdiń óz ónimi 282,3 myń tonnany quraǵan.
«Osylaısha, 2025 jylǵa qaraı jalpy óndiristik qýaty jylyna 223,1 myń tonna bolatyn 23 qus fabrıkasyn salý jáne jańǵyrtý arqyly ımportty tolyq almastyrý josparlanyp otyr», dedi Erbol Qarashókeev.