Atyraý turǵyny áskerı tehnıkany satpaq boldy, dep habarlaıdy Egemen.kz Polisia.kz saıtyna silteme jasap.
Atyraýda 35 jastaǵy er adam zańsyz brondalǵan barlaý-sholǵynshy kóligin (BRDM-2) satýǵa tyrysqan. Bul týraly 12 sáýir kúni polısııaǵa jedel aqparatty Atyraý oblysy PD Ekstremızmge qarsy is-qımyl basqarmasynyń qyzmetkerleri tekserip, jedel-izdestirý is-sharalaryn júrgizý barysynda 36 jastaǵy azamatqa tıesili atalǵan áskerı kólik tabylyp, tárkilendi.
Qazirgi ýaqytta atalǵan fakti boıynsha QR QK-niń 386-baby 1-bóligi (Kólik quralynyń sáıkestendirý nómirin qoldan jasaý, joıý, kórineý qoldan jasalǵan sáıkestendirý nómiri bar kólik quralyn ótkizý) boıynsha sotqa deıingi tergep-tekserý amaldary júrgizilýde. Al kúdiktige qatysty eshqaıda ketpeý jáne tıisti minez-qulyq týraly qolhat túrinde bultartpaý sharasy tańdaldy.
Aıta keteıik, Atyraý oblysy Polısııa departamenti atys qarýlarymen, oq-dári jáne jarylǵysh zattarmen jasalatyn qylmystardyń aldyn alý úshin, qoǵamdyq qaýipsizdikti qamtamasyz etý maqsatynda 25 sáýirden bastap halyqtan zańsyz saqtalǵan atys qarýlaryn, oq-dárilerdi jáne jarylǵysh zattardy satyp alý aksııasyn júrgizýde.
Memleket azamattardyń óz erikterimen ótkizgen árbir qarýlar men oq-dárilerge jáne jarylǵysh zattarǵa 100 aılyq eseptik kórsetkishke deıin syıaqy belgilegen.
Aıana Toǵanbek