Nur-Sultan qalasyndaǵy Mustafa Shoqaı atyndaǵy №51 mektep-gımnazııasynda «BOXING QZQ» boks akademııasynyń demeýshiligimen «QAZAQ BOXING» boks klýby ashylady, dep habarlaıdy Egemen.kz elorda ákimdiginiń resmı saıtyna silteme jasap.
Bul is-shara Memleket basshysy Qasym-Jomart Toqaevtyń bastamasymen bıyl «Balalar jyly» dep atalýyna oraı uıymdastyrylyp otyr. Saltanatty ashylý sharasy erteń saǵat 10:00-de atalmysh mektep qabyrǵasynda ótedi.
Klýbtyń maqsaty – óskeleń urpaqty sportqa baýlý, salaýatty ómir saltyn dáripteý.
Saltanatty is-sharaǵa Nur-Sultan qalasy Almaty aýdany ákiminiń orynbasary Rahmatolla Ablazımov, Nur-Sultan qalasy Bilim basqarmasynyń basshysy Qasymhan Senǵazyev, Nur-Sultan qalasy Dene shynyqtyrý jáne sport basqarmasynyń basshysy Samat Jylqybaev, sol sııaqty bilim salasynyń ókilderi, demeýshiler, qamqorshylyq keńesiniń músheleri qatysady.
Ashylý saltanatyna qatysýshylar mektep foıesinde ınnovasııalyq jáne shyǵarmashylyq jumystardyń kórmesimen tanysyp, Mustafa Shoqaı mýzeıine ekskýrsııa jasaıdy.
Aıana Toǵanbek