Memleket basshysy Qasym-Jomart Toqaev Qazaqstan nepotızm, paternalızm, sybaılas jemqorlyqqa tosqaýyl qoıatynyn aıtty, dep habarlaıdy Egemen.kz.
«Alǵa qaraı serpilý úshin minsiz sátti kútpeı, qazirden keshiktirmeı áreket etý kerek ekenin tarıh kórsetip otyr. Elimizdiń baǵa jetpes baılyǵy jáne qaıta qurýdyń negizgi qozǵaltqyshy – adamdar, bizdiń azamattar. Sondyqtan ár azamat ózinen bastaýy kerek. Bárin ortaq iske jumyldyrmaıynsha, memlekettik apparat ta, qandaı da bir saıası sheshimder men ekonomıkalyq tutqalar da eldi jańartý maqsatyna jeteleı almaıdy», dedi Toqaev Qazaqstan halqy Assambleıasynyń sessııasynda.
Prezıdenttiń aıtýynsha, Jańa Qazaqstan qurý úshin jeke jáne qoǵamdyq qundylyqtar júıesin tolyǵymen qaıta pishimdeý qajet bolady. Memleket basshysy bizge jańa qundylyqtar matrısasynda úzdikterdi saqtap, ulttyń damýyna kedergi bolatyn barlyq nárseden arylý mańyzdy ekenin aıtty.
«Biz nepotızm men paternalızmge, sybaılas jemqorlyq pen kompradorǵa tosqaýyl qoıamyz. Jańa Qazaqstan ádilettiń aýmaǵyna aınalýy kerek. Ol úshin tek áriptiń emes, zańnyń rýhyn da saqtaý kerek. Zańdar dogma emes, ol azamattardyń ózekti máselelerin sheshý úshin jetildirilýi kerek. Zań, ádildik pen tártip baqýatty ómirimizdi aıqyndaıtyn naqty faktorlarǵa aınalady», dep túıindedi Toqaev.