Keshe Parlament Májilisiniń Tóraǵasy Oral Muhamedjanovtyń jetekshiligimen palata bıýrosynyń kezekti otyrysy ótti. Onda Májilistiń jalpy otyrysyna shyǵarylatyn máseleler saralandy.
Depýtattardyń talqysyna keıbir zańnamalyq aktige munaı jáne munaı ónimderiniń aınalymy salasynda memlekettik baqylaýdy kúsheıtý máselelerine qatysty zań jobasy ekinshi oqylymda usynylatyn boldy. Bul jóninde Zańnama jáne sot-quqyqtyq reforma komıteti málim etti.
Sonymen qatar, Ekologııa máseleleri jáne tabıǵat paıdalaný komıteti órt qaýipsizdigine qatysty zań jobasy boıynsha Májilis pen Senat arasyndaǵy kelispeýshilikterdi eńserý jónindegi kelisim komıssııasynyń usynystary týraly málimet berdi.
Bıýro otyrysynda depýtattyq korpýstyń zań shyǵarýshylyq qyzmetine qatysty basqa da máseleler qaraldy.
“Egemen-aqparat”.