Ulttyq akademııalyq kitaphanada Mádenıet jáne sport mınıstrliginiń qoldaýymen «Ábdijámil Nurpeıisov: ómir syry men shyǵarmashylyǵy» taqyrybynda halyqaralyq konferensııa ótti.
Alqaly jıyn Halyq jazýshysy, KSRO Memlekettik syılyǵynyń laýreaty, Qazaqstannyń Eńbek Eri Ábdijámil Nurpeıisovti eske alýǵa arnaldy. Is-shara barysynda otbasy músheleri men zamandas qalamgerleri avtor shyǵarmashylyǵynyń qyr-syry, aýdarmashylyq qyzmeti, epıstolıarlyq murasy, aýdarmalary, zertteýleri jaıynda estelikter aıtty.
Konferensııada Qazaqstan halqy Assambleıasynyń Dostyq elshisi Malǵojata Týar (Fransııa), «Altyn Qyran Foundation» QQ qamqorshylyq keńesiniń múshesi Álibek Aldeneı, Ábdijámil Nurpeıisovtiń kelini – Áıgerim Nurpeıisova, prozashy, aýdarmashy Anatolıı Kım (Reseı), jazýshy, fılologııa ǵylymdarynyń doktory Ýálıhan Qalıjan, Erevan memlekettik ýnıversıtetiniń túrkologııa kafedrasynyń meńgerýshisi, professor Aleksandr Safarıan, t.b. ádebıetshi-ǵalymdar baıandama jasap, jazýshy muralarynyń zerttelý barysyna toqtaldy. Al Máskeý memlekettik Halyqaralyq qatynastar ınstıtýty, Máskeý qalalyq pedagogıkalyq ýnıversıtetiniń Shet tilder ınstıtýty, Reseı Aýdarmashylar odaǵynyń Krasnoıarsk aımaqtyq fılıalynyń ókilderi (SPR), Sibir federaldy ýnıversıtetiniń professorlyq-oqytýshylar quramy (Krasnoıarsk) konferensııaǵa onlaın rejimde qatysty.