Jambyl oblysy boıynsha memlekettik kirister departamenti men Ekonomıkalyq tergeý departamenti birlesip júrgizgen is-sharalar barysynda «Aısha-bıbi» shekara beketinde eki avtokólik ustaldy, dep habarlaıdy Egemen.kz.
Atap aıtqanda, Qyrǵyzstan Respýblıkasynyń azamattarynyń basqarýyndaǵy «Mersedes» jáne «Penault Premium» markaly avtokóligi ustalǵan.
«Atalǵan avtokólikterdi tekserý barysynda 25 920 bótelke «Parlament» jáne «Antivirus» markaly alkogol ónimin Qazaqstan aýmaǵyna zańsyz ákelý faktisi anyqtaldy. Alkogol ónimderiniń bul partııasy «Big Bon» tez daıyndalatyn kespe retinde jasyryn tasymaldanǵan. Aldyn ala qorytyndy nátıjeleri boıynsha ustalǵan alkogol ónimi partııasynyń jalpy quny - 25 660 800 teńge», delingen habarlamada.
Atalǵan faktige qatysty qylmystyq is qozǵaldy.