QR Premer-Mınıstri Álıhan Smaıylovtyń tóraǵalyǵymen ótken Úkimet otyrysynda geologııa salasyn damytý perspektıvalary qaraldy, dep habarlaıdy Egemen.kz.
Atalǵan másele boıynsha Ekologııa, geologııa jáne tabıǵı resýrstar mınıstri Serikqalı Brekeshev, Indýstrııa jáne ınfraqurylymdyq damý mınıstri Qaıyrbek О́skenbaev, Energetıka vıse-mınıstri Ashat Hasenov baıandama jasady.
Ekologııa, geologııa jáne tabıǵı resýrstar mınıstrliginiń derekterine sáıkes, Qazaqstan paıdaly qazbalardyń kóptegen túrleriniń rastalǵan qorlary boıynsha álemniń jetekshi on eliniń qataryna kiredi. Bul rette, paıdaly qazbalardy qarqyndy óndirýge baılanysty geologııa salasynyń aldynda turǵan basty syn-tegeýrin – qorlardyń tolyqtyrylý deńgeıiniń tómendigi.
Osyǵan baılanysty jer qoınaýyn memlekettik geologııalyq zertteýdi jandandyrý talap etiledi. Bul – keıinnen jer qoınaýyn paıdalanýǵa berý úshin perspektıvaly alańdarmen obektilerdi anyqtaý boıynsha negizgi ádisterdiń biri.
Memleket basshysy Q. K. Toqaevtyń tapsyrmasy boıynsha Qazaqstanda geologııa ǵylymyn damytý jáne óńdeý salasyn shıkizatpen qamtamasyz etý maqsatynda Ulttyq geologııalyq qyzmet quryldy. «Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» ulttyq jobasy aıasynda «Geologııa salasyn damytý» baǵyty kózdelgen.
S. Brekeshevtiń aıtýynsha, qazirgi ýaqytta alańdardy geologııalyq jete zertteý, geologııalyq-mıneragendik jáne tereń geologııalyq kartalaý jumystary júrgizilip jatyr.
«Josparǵa sáıkes 2026 jylǵa qaraı Qazaqstan jerlerin zertteý jumystary 680 myń sharshy shaqyrymǵa ulǵaıyp, jalpy kórsetkish 2,2 mln sharshy shaqyrymǵa deıin jetedi», dep habarlady S. Brekeshev.
Baıandamashylardy tyńdaǵan Premer-Mınıstr Qazaqstan kóptegen paıdaly qazbalardyń qory boıynsha álemde jetekshi oryn alatynyn, al ekonomıkanyń óndirýshi sektory JIО́-niń shamamen 30%-yn qamtamasyz etetinin atap ótti.
«Elimizdiń mıneraldyq-shıkizattyq bazasyn izdeý jáne tolyqtyrý jumystaryn únemi júrgizip otyrý qajet. Sol úshin de geologııa bul máselede asa mańyzdy ról atqarady. Geologııany damytý úshin qatty paıdaly qazbalardy izdeýge jeńildetilgen lısenzııalaý engizildi. Shaǵyn geologııalyq barlaý kompanııalaryna tıisti jaǵdaı jasaldy», dedi Álıhan Smaıylov.
Premer-Mınıstrdiń aıtýynsha, el aýmaǵyn keńinen zertteý men ákimshilik kedergilerdi joıý óndiris salasyn qarqyndy damytýǵa múmkindik beredi. Sonyń nátıjesinde Qazaqstannyń ınvestısııalyq tartymdylyǵy artady. Jalpy elimizde ǵylymı-ınstıtýsıonaldyq baza bar. Geologııa salasyn damytý úshin barlyq jaǵdaı jasalyp jatyr.
Úkimet basshysy geologııa jáne jer qoınaýyn paıdalaný salasyndaǵy ınvestorlarǵa geologııalyq málimetterdi qoljetimdi etý úshin aqparattyq júıe qurý qajettigin atap ótti. Ekologııa, geologııa jáne tabıǵı resýrstar mınıstrligine Sıfrlyq damý, ınnovasııalar jáne aeroǵarysh ónerkásibi, Energetıka, Indýstrııa jáne ınfraqurylymdyq damý mınıstrlikterimen birlesip, jyl sońyna deıin «KAZNEDRA» platformasyn ázirleý jáne qoldanysqa engizý boıynsha qajetti sharalardy qabyldaý tapsyryldy.
Sonymen qatar, Álıhan Smaıylovtyń aıtýynsha, barlaý jáne óndirý quqyǵyn alýǵa múmkindik beretin Memlekettik jer qoınaýy qoryn basqarý baǵdarlamasyn ýaqytyly jańartyp otyrý qajet. Indýstrııa jáne ınfraqurylymdyq damý mınıstrligine Energetıka, Ekologııa, geologııa jáne tabıǵı resýrstar mınıstrlikterimen birlesip, bir aı merzimde jer qoınaýyn paıdalanýǵa bolatyn respýblıkanyń barlyq aýmaǵyn baǵdarlamaǵa qosý tapsyryldy.
«Jer qoınaýyn paıdalanýǵa arnalǵan qoldanystaǵy kelisimsharttardy uzartýǵa kóp ýaqyt ketedi, ol rásimdi jeńildetý qajet», dedi Á. Smaıylov.
Sondaı-aq Premer-Mınıstr Indýstrııa jáne ınfraqurylymdyq damý mınıstrligine Energetıka, Ekologııa, geologııa jáne tabıǵı resýrstar, Qarjy, Ulttyq ekonomıka mınıstrlikterimen birlesip, eki apta ishinde ákimshilik kedergilerdi azaıtý boıynsha naqty sharalar ázirleýdi, sondaı-aq atalǵan memlekettik qyzmetti sıfrlandyrýdy tapsyrdy.
Úkimet basshysy ekologtardyń, depýtattarmen qoǵamdyq uıymdardyń Aqtóbe oblysyndaǵy «Kókjıde» biregeı jerasty sýlary ken ornynyń lastanýy máselesin únemi kóterip keletinin atap ótti.
Osy oraıda Energetıka mınıstrligine atalǵan sý ken ornynyń aýmaǵynda jer qoınaýyn paıdalanýdy shekteý máselesin qarastyrý, Ekologııa, geologııa jáne tabıǵı resýrstar mınıstrligine barlyq jerasty sýlary boıynsha monıtorıng jumystaryn kúsheıtý tapsyryldy.