Kenshiler astanasynda qazaq kúresinen oblystyq deńgeıdegi «Saryarqa barysy» atty týrnır ótti. Osymen 11-shi ret jalaý kótergen dodada óńirdiń úzdik degen 26 balýany ózara kúsh synasty.
Aýyr salmaqty apaıtós balýandar kúresken týrnırde Buqar jyraý aýdanynyń namysyn jyrtqan Erqanat Moldaǵulov beldesýleriniń bárin sátti ótkizip, jeńis tuǵyrynyń eń bıik satysyna kóterildi.
Fınalda ol Shet aýdanynyń atynan shyqqan balýan Aqjigit Oralovty tize búktirdi. Al júldeli úshinshi oryn Jezqazǵan qalasynan kelip kúresken Bekzat Ermekov esimdi balýanǵa buıyrdy.
«Qazaqstan barysy» Qazaq kúresin damytý qorynyń sport menedjeri Jasulan Musabekov atalǵan týrnırde jas balýandardyń kóp bolǵanyn aıtady. Munyń ózi óńirde qazaq kúresine degen kózqarastyń jyldan-jylǵa jaqsaryp kele jatqanyn, nasıhat jumystarynyń jemisti júrgizile bastaǵanyn bildiredi dep atap ótti ol.
Sonymen «Saryarqa barysy» týrnırinde top jarǵan qos balýan Erqanat Moldaǵulov pen Aqjigit Oralov shildeniń 3-i kúni elordada ótetin «Qazaqstan barysy» respýblıkalyq týrnırinde Qaraǵandy oblysynyń namysyn qorǵaıtyn boldy.
QARAǴANDY