Fýtzaldan Qazaqstan kýbogy jolyndaǵy jarystyń jartylaı fınalyna shyqqan qos komanda anyqtaldy. Olar – Almatynyń «Qaıraty» men Rýdnyıdyń «Aıaty».
Alǵashqy kezdesýde almatylyqtar Aqtóbeniń «Rahmetin» 5:1 esebimen oısyrata utqan edi. Qarymta matchta da «Qaırattyń» ústemdigi esh kúmán týǵyzǵan joq. Bul básekede Albert Aqbalyqov pen Edson dýblderdiń avtorlary atansa, Dıego men Andreı Grafskıı bir-bir retten mergendik tanytty – 6:0. «Aıat» syrt alańda ótken oıynda «Nur-Sultandy» 7:6 esebimen ázer utqan edi. Esesine Rýdnyıda olar asqan sheberlik tanytyp, óz jankúıerlerin jelpindirdi. Olar elordalyq klýbtyń qaqpasyna bes dop soqsa, qarsylastary eki golmen ǵana jaýap qaıtara aldy – 5:2.