Nur-Sultan qalasynyń turǵyny segizinshi qabattyń terezesinde ilinip jazdaǵan kishkentaı qyzdy qutqardy, dep habarlaıdy Egemen.kz.
«11 mamyrda saǵat 10:21-de Uly Dala kóshesi boıynda ornalasqan kópqabatty úıdiń segizinshi qabatynda bala ilinip turǵany týraly habarlama tústi. Shaqyrtý ornyna jedel túrde Nur-Sultan qalasy TJD bólimsheleri jiberildi. Oqıǵa ornyna qutqarýshylar jetkenshe balkonnyń erneýine ilingen balany tómendegi qabatta turatyn er adam qutqaryp alǵan», dep habarlady Tótenshe jaǵdaılar departamentiniń baspasóz qyzmeti.
Oqıǵa bolǵan kezde 2019 jyly týǵan qyzdyń ata-anasy úıde bolǵan, biraq dál sol sátte balanyń balkonda júrgenin eshkim baıqamaı qalǵan. Jetinshi qabatta turatyn Sábıt Shontaqbaev jylap turǵan balany kórip, oılanbastan qutqarý boıynsha is-qımyl jasap, sanaýly sekýndtarda qyzdy qutqaryp alǵan.
«Sábıt Shontaqbaev batyldyǵy úshin marapatqa usynylady», dep habarlady elordalyq TJD.