Reseıdiń Habarovsk ólkesi Amýr aýdany Teısın kentindegi áskerı bólimde jarylys boldy. Oqıǵa saldarynan bir adam kóz jumdy, zardap shekkender de bar, dep habarlaıdy Egemen.kz TASS agenttigine silteme jasap.
«Oq-dárilerdi túsirý kezinde jarylys bolyp, saldarynan jeti adam zardap shekti, olar jeńil dene jaraqattaryn alǵan. Taǵy bir adam kóz jumdy», delingen agenttik taratqan habarlamada.
Sondaı-aq jarylystan keıin órt shyqqany belgili boldy. О́ńirdiń densaýlyq saqtaý mınıstrliginiń ókilderi zardap shekken eki adamdy kúıik shalǵanyn habarlady.
«Olar sanavıasııamen aýrýhanaǵa jetkizildi, olardyń denesiniń 65% jáne 40%-yn kúıik shaldy», dedi densaýlyq saqtaý mınıstrliginen.
Taǵy eki adamdy jeńil dárejede kúıik shalǵan. Olardy medısınalyq mekemege jetkizbeı, oqıǵa ornynda kómek kórsetilgen.
Teısın kenti Amýrdaǵy Komsomolskten ońtústik-shyǵysqa qaraı 82 shaqyrym qashyqtyqta ornalasqan. Kentte osy ataýmen atalatyn temirjol stansııasy men áskerı bólim bar.