Brazılııanyń Kashıas-dý-Sýl qalasynda ótip jatqan jazǵy Sýrdlımpıadanyń 12-kúninde qazaqstandyq jeńil atlet Farhad Qystaýbaev el qorjynyna úshinshi altyn medaldy saldy.
Sporttyń onsaıys túrinen synǵa túsken otandasymyz jarystyń qorytyndysy boıynsha 5400 upaı jınap, altyn medalǵa ıe boldy. Bir qyzyǵy, ol onsaıystyń barlyq túri boıynsha ótken irikteý jarystarynyń bárinde aldyńǵy oryndarǵa ıe boldy. Sondaı-aq bul Farhad Qystaýbaevtyń bıylǵy Sýrdlımpıadadaǵy ekinshi medali. Ol buǵan deıin 110 metrge kedergiler arqyly júgirýde qola medal jeńip alǵan bolatyn.
Osylaısha, Sýrdlımpıadada úshinshi altynyna qol jetkizgen Qazaqstan quramasy jalpykomandalyq esepte 12-orynǵa kóterildi. Jerlesterimizdiń enshisinde 3 altyn, 4 kúmis, 17 qola medal bar. Al 129 (56 altyn, 36 kúmis, 37 qola) júldesi bar Ýkraına týrnır kestesinde kósh bastap tur.