Kúni keshe erler (ATP) jáne áıelder tennısi qaýymdastyǵy (WTA) Fransııa ashyq chempıonatynyń aldynda oıynshylardyń reıtıngin jańartty.
Jýyrda ǵana Italııa astanasy – Rımde aıaqtalǵan masters týrnıriniń jartylaı fınalyna deıin jetken otandasymyz Andreı Golýbev jańartylǵan reıtıngte juptyq synda 21-orynǵa kóterildi. Bul – onyń sporttyq jolyndaǵy eń úzdik kórsetkishi. Aleksandr Nedovesov 60-satyda qalsa, Grıgorıı Lomakın 244-orynǵa shyqty. Qazaqstannyń jekeleı syndaǵy birinshi raketkasy Aleksandr Býblık 41-ornynda qalsa, Mıhaıl Kýkýshkın 165-satyda tur.
Qazaqstannyń áıelder arasyndaǵy birinshi raketkasy Elena Rybakına 17-den 16-ǵa, Iýlııa Pýtınseva 40-tan 37-ge, Zarına Dıas 134-ten 131-orynǵa kóterildi. Juptyq synda Anna Danılına 20-shy, Jibek Qulambaeva 300-shi, Gózal Aınıtdınova 438-satyǵa jaıǵasty.