Qazaqstanda 19-21 mamyr aralyǵynda jaýyn jaýyp, qatty jel soǵady, dep habarlaıdy Egemen.kz «Qazgıdromet» RMK-ǵa silteme jasap.
«Aldaǵy úsh táýlikte Qazaqstannyń soltústik jartysynda Soltústik-batys sıklony, ońtústik óńirlerge Ońtústik sıklony aýa raıyna yqpal etedi. Osyǵan baılanysty elimizdiń barlyq aýmaǵynda jańbyr jaýady. 19-21 mamyrda ońtústikte, ońtústik-shyǵysta, 20-21 mamyr batysta, soltústik-batysta tolassyz jańbyr jaýady. Respýblıka boıynsha naızaǵaı oınap, burshaq jaýady, jel kúsheıip, ońtústik-batysta shańdy daýyl bolady», delingen sınoptıkterdiń habarlamasynda.