Nur-Sultan qalasynda lıft ishinde áıeldi soqqyǵa jyqqan er adamǵa qatysty qylmystyq is qozǵaldy, dep habarlaıdy Egemen.kz qalalyq Polısııa departamentiniń baspasóz qyzmetine silteme jasap.
«Nur-Sultan qalasy polısııa departamenti «Esil» aýdanynyń polısııa basqarmasy QK-niń 107-baby (Densaýlyqqa qasaqana aýyrlyǵy ortasha zııan keltirý) boıynsha qylmystyq isti tirkedi. Júrgizilgen sot-medısınalyq saraptamaǵa sáıkes, jábirlenýshiniń densaýlyǵyna ortasha aýyrlyqtaǵy zııan keltirilgen», delingen habarlamada.
Kelip túsken aqparatqa sáıkes, búginde tergeý amaldary júrip jatyr.
«Kúdiktige qatysty «eshqaıda ketpeý jáne óz áreketine jaýap berý týraly qolhat» túrinde bultartpaý sharasy qoldanyldy. О́zge aqparat tergeý múddesine saı jarııa etýge jatpaıdy», deıdi atalǵan vedomstvodan.
Aıana Toǵanbek