Almaty ákimi Erbolat Dosaev Naýryzbaı aýdany turǵyndarymen kezdesýinde aýdandaǵy kólik ınfraqurylymy týraly aıtyp berdi, dep habarlaıdy Egemen.kz.
Shahar basshysynyń sózinshe, aýdandaǵy kólik ınfraqurylymynyń negizgi problemalary marshrýttardyń jetispeýi jáne olardyń turaqty qatynamaýy jyljymaly quramnyń azdyǵyna baılanysty.
«Metronyń 2 jańa stansııasyn iske qosý josparlanǵan, sondyqtan osy jyldyń 1 qyrkúıegine deıin qalanyń batys bóligindegi marshrýttyq jelige optımızasııa júrgizýdi qarastyryp jatyrmyz. Osylaısha, Naýryzbaı aýdanynda 3 jańa marshrýt ashylady, qazirgi 5 marshrýt kúsheıtiledi, bul kólik qyzmetin aıtarlyqtaı jaqsartýǵa múmkindik beredi», dedi qala ákimi.
Sonymen qatar, ol «Qalqaman» stansııasynyń qurylysy bastalǵanyn málim etti.
«Qazirgi ýaqytta «Qalqaman» stansııasynyń qurylysy bastaldy. Ol Abaı dańǵylymen Iаssaýı kóshesinen batysqa qaraı Áshimov kóshesine deıin ornalasqan. Metrony 2025 jylǵa deıin salyp bitirý kózdelip otyr», dedi Erbolat Dosaev.
Aıana Toǵanbek