Keshe Ispanııanyń Sevılıa qalasyndaǵy «Ramon Sanches Pıshýan» stadıonynda ótken Eýropa lıgasynyń fınalynda Germanııanyń «Aıntrahty» men Shotlandııanyń «Reındjersi» kezdesti.
Matchtyń negizgi ýaqyty men qosymsha taımy 1:1 esebimen teń aıaqtalyp, jeńimpaz komanda kezdesý sońyndaǵy penaltı serııasynda anyqtaldy. Bes múmkindiktiń barlyǵyn tıimdi paıdalanǵan Frankfýrt komandasy 5:4 esebimen jeńiske jetip, Eýropa lıgasynyń jeńimpazy atandy. Glazgolyqtardan Aaron Remzı 11 metrlik aıyp dobyn oryndaýda múlt ketti. Oıyndaǵy alǵashqy goldy «Reındjers» fýtbolshysy Djo Arıbo salsa, nemis komandasy sapynan Rafael Borre mergendigimen kózge tústi.
Osylaısha, Frankfýrt qalasynyń basty komandasy óz tarıhynda ekinshi ret Eýrokýbok týrnırinde top jardy. «Aıntraht» buǵan deıin 1979-1980 jylǵy maýsymda ÝEFA Kýbogyn ıelengen edi.