URPAQ DENSAÝLYǴYNA DEN QOIǴAN KONFERENSIIа

Túrkistanda Q.A.Iаsaýı atyn­daǵy halyqaralyq qazaq-túrik ýnıversıtetiniń Oqý klınıkalyq bazasyndaǵy Júıke aýrýlary jáne shyǵys medısınasy kafedrasynyń uıymdastyrýymen jáne farmasev­tıkalyq kompanııalardyń demeýshi­lik etýimen “Júıke aýrýlarynyń ózekti máseleleri” atty halyqara­lyq ǵylymı-tájirıbelik konfe­ren­sııa bolyp ótti. Oǵan Qazaq­stan, Túrkııa, Reseı, О́zbekstan jáne Qyrǵyzstannyń nevrologııa men neırohırýrgııa salasynyń jetekshi ǵalymdary men maman­dary, sondaı-aq elimizdiń birqatar aımaqtarynan kelgen nevrolog, neırohırýrg dárigerler qatysty. Atalǵan konferensııada nevro­logııa men neırohırýrgııadaǵy ózek­ti máselelerdi sheshý joldaryn izdestirý, talqylaý máseleleri sóz boldy. Baýyrlas memleketter bo­lyp tabylatyn Qazaqstan men Túr­­kııanyń ózara týystyq, dostyq qarym-qatynasyn, baılanystaryn nyǵaıtý jáne damytý maqsatynda qurylǵan Q.A.Iаsaýı atyndaǵy HQTÝ óziniń ashylǵan jyldarynan bastap qazirge deıin respýblıkalyq jáne halyqaralyq dárejedegi túrli ǵylymı, mádenı is-sharalardy tu­raq­ty túrde ótkizip keledi. Jo­ǵary­daǵy ǵylymı-tájirıbelik basqosý da osynyń jalǵasy ispetti. Ýnıversıtet prezıdenti Lesbek Táshimov oqý ornyndaǵy tek medı­sına salasyndaǵy sony jetis­tikter men aldaǵy josparlanǵan aýqymdy sharalar jaıynda bylaı dedi. Ýnı­versıtette medısına maman­daryn daıarlaý tuńǵysh ret halyqaralyq standartta júrgizilip otyr. Bul kishi bolashaq baǵdarlamasyn iske asyrý barysynda qolǵa alynýda. Bizdiń stýdentter Túrkııanyń eki ýnıversıtetinde aǵylshyn tilinde bilim alyp, sessııa tapsyryp kele­di. Olardyń aǵylshyn tilin meń­gerýi úshin ýnıversıtettiń Til úıretý ortalyǵy barlyq jaǵdaıdy jasaýda. Sondaı-aq til bilýine talap ta joǵary. Sapaly maman daıarlaý bizdiń basty maqsatymyz. Medısına salasy boıynsha elimiz­degi bilikti ǵalym, dáriger-pedagog­tardy shaqyrýdy jolǵa qoıyp jatyrmyz. Árıne, halyqaralyq, álemdik deńgeıge jetýge kóp kúsh jumsaý qajet. Elbasy tapsyrma­syn Túrkistan óńirinde asyrýǵa senim mol. Prezıdent tapsyrma­syna oraı úlken medısınalyq ǵımarat jáne 500 oryndyq jataq­hana salynǵaly otyr. Sonymen qatar, Túrkııa tarapynan úsh qabatty arnaıy kitaphana, meshit ashý jolǵa qoıylýda. Búgingi tańda jalpy aýrýlar arasynda júıke júıesi aýrýymen aýyratyndardyń sany jyl sanap ósip kele jatqandyǵy mamandar tarapynan jıi aıtylyp keledi. Kóptegen ǵalymdar keıbir nevrolo­gııalyq aýrý túrleriniń klınıkalyq sýrettemesi ózgeriske ushyrap, sonyń áserinen naýqastardyń óz-ózderin ustaı almaı ashýshań minez tanytatynyn, atalmysh derttiń aýyr, ótkir túrde ótetinin aıtyp júr... Nevrologııalyq patologııalar máselesin talqylaýdyń mańyzdy­lyǵy sol, ol halyqtyń jas, eńbek­ke jaramdy bóliginiń kemtarlyqqa ushyraýyna alyp keledi eken. Balalar arasyndaǵy júıke júıesi patologııasynyń bastapqyda anyq­talmaı qalýy óte jıi kezdese­tin qubylys deıdi dárigerler. Munyń úlken áleýmettik mańyzǵa ıe bolyp otyrǵandyǵy da sodan bolsa kerek. Sol úshin erteńgi bolashaǵymyz balalar arasyndaǵy júıke júıesi buzylysyn emdeý isin jetildirý men aýrýdy erte anyqtaýdyń mańy­zy joǵary ekendigi de dárigerler basqosýynda nazardan tys qalmady. Ábdirahman QYDYRBEK, TÚRKISTAN.