Fransııada maımylsheshek aýrýyn juqtyrýdyń 16 jaǵdaıy tirkeldi, dep habarlaıdy Egemen.kz France Bleu saıtyna silteme jasap.
Fransııanyń qoǵamdyq densaýlyq saqtaý qyzmeti maımylsheshek aýrýy anyqtalǵan naýqastar baqylaýǵa alynyp, turǵyndarǵa ekpe egile bastaǵanyn habarlady.
Álemde atalǵan dert rastalǵan elderdiń sany kún sanap ósip jatyr. Onyń belgileri 14-ten 21 kúnge deıin sozylady. Indet juqtyrǵan naýqas dene qyzýyn, teriniń zardap shekken jerlerinde qyshý nemese aýyrsynýdy sezinedi. Keıbir jaǵdaılarda ınfeksııanyń aýyr túri de baıqalýy múmkin.
Qazaqstannyń Densaýlyq saqtaý mınıstrligi álámdegi jaǵdaıdy baqylap otyr. Vedomstvo azamattarǵa aýrýdyń órshýine baılanysty keıbir Afrıka elderine barýdan aýlaq bolýdy usyndy.