AEF-tyń álemdik tusaýkeseri ótti

Nıý-Iorktiń qarjy kvartalynyń tarıhı ortalyǵy sanalatyn Ýoll-strıtte Astana ekonomıkalyq forýmynyń tusaýkeseri ótti. Halyqaralyq qarjy jáne ınvestısııalyq kompanııalardyń jetekshileri men dúnıejúzilik qarjy bırjalarynyń sarapshylaryna qazaqstandyq biregeı joba tanystyryldy. Tusaýkeserge qor bırjasynyń tóraǵasy ári negizin salýshy Drasko Veselınovıch, CAPMEX tóraǵasynyń orynbasary, basqarýshy áriptesi, Vena qor bırjasynyń burynǵy dırektory Hannes Takach, NASDAQ tóraǵasy Devıd Ýaıld, NASDAQ tóraǵasynyń burynǵy orynbasary, hatshysy, Jańa Zelandııa qor bırjasynyń burynǵy bas dırektory Ýılıam Foster, Ystambul qor bırjasynyń burynǵy vıse-tóraǵasy Arıl Seren, professor, Frankfýrt qor bırjasynyń bas dırektory, doktor Rıýdıger fon Rozen, Kýala-Lýmpýr qor bırjasynyń burynǵy atqarýshy tóraǵasy Nık Mohamed Dın, Egıpet qor bırjasynyń burynǵy atqarýshy tóraǵasy Mohamed Abdel Salam jáne basqa álemdik qarjy jáne ınvestısııa salasynyń belgili tulǵalary qatysty. Is-sharaǵa qatysýshylar Qazaqstan Respýblıkasy usynatyn bastamalarmen jáne jobalarmen jan-jaqty tanysty, sonymen qatar, olar aldaǵy VII Astana ekonomıkalyq forýmynyń baǵdarlamasyn talqylady. – 2014 jyldyń 21-23 mamyry araly­ǵynda Qazaqstan astanasynda jyl saıynǵy Astana ekonomıkalyq forýmy ótedi, dedi tusaýkeser qonaqtaryna arnalǵan sózinde «Ǵalymdardyń Eýrazııalyq ekonomıkalyq klýby» qaýymdastyǵynyń ókili Dınara Qarshalova. – Qazirgi tańda forým 150-den astam eldiń on myńnan astam qatysý­shylaryn jahandyq qarjylyq júıe problemalaryn sheshý jumysyna qatysýǵa jáne daǵdarystan shyǵý joldaryn belsene izdeýge tartyp otyr. Olardyń ishinde memleketterdiń burynǵy jáne qazirgi basshylary, ekonomıster, saıasatkerler, qarjylyq sarapshylar, Nobel syılyǵynyń laýreattary jáne eń joǵary deńgeıdegi bıznes-kóshbasshylar bar. Sonymen birge, kezdesýde Astana ekonomıkalyq fo­rýmy Daǵdarysqa qarsy dúnıejúzilik jospar tujy­rym­damasyn qalyptastyrýǵa qatysýdyń naqty múmkin­digin usynatyndyǵy, sonymen qatar, jańa kásibı baıla­nystar ornatý ári ınnovasııalyq ázirlemelerge qol jetkizýge múmkindik beretindigi jaıynda tilge tıek etildi. Jylqybaı JAǴYPARULY, «Egemen Qazaqstan».