Stýdentter shet qalmaýy kerek

Oqý ordasynyń ujymy men stý­dentterimen kezdesý ba­ry­­syn­da depýtattar respýb­lı­ka­lyq referendýmnyń ma­ńy­zy jáne Konstıtýsııaǵa engi­zý­ge usy­nylǵan ózgerister men to­lyq­tyrýlar týraly qatysý­shy­larǵa aıtyp berdi.

«Jańǵyrý reformalaryn iske asyrýda jáne memleketti odan ári damytýda jas urpaq ró­li­niń mańyzy asa zor. 27 jyl ishin­de ólim jazasyna alǵash ret to­lyqtaı tyıym salý, Konstı­tý­sııalyq sot qu­rý, májbúrli eńbek máse­le­lerin retteý jáne basqa da mem­lekettegi mańyz­dy má­se­leler Qazaqstan azamat­ta­ry­nyń pikirin eskere otyryp she­shiletin bolady», dedi komıtet tóraǵasy Vladımır Volkov.

Komıtet hatshysy Qanatbek Safınov jerge menshik­ qu­qy­ǵy­na qatysty túzetý týraly kez­desýge qatysýshylardy ha­­bar­dar etti jáne basqa da usy­nylyp otyrǵan ózgerister qa­zaq­­standyqtardyń ómir súrý sapasyn jaqsartýǵa baǵyt­tal­ǵa­nyn atap ótti.

«Referendým – bul konstı­týsııa­lyq quqyǵyńdy óz bola­sha­­ǵyńdy tańdaýǵa paıda­la­nýdyń múmkindigi. Sizder, jas azamattar úshin refe­ren­­dýmǵa qatysý tarıhı oqıǵa», dep atap ótti senator Andreı Lýkın.

Senatorlar kezdesý qory­tyn­dysy boıynsha aldaǵy re­fe­­ren­dýmǵa ǵana emes, júrgi­zi­lip jatqan reformalarǵa da belsendi qatysýǵa shaqyr­dy jáne ýnıversıtet stýdent­te­ri­niń suraqtaryna jaýap berdi.

Senat depýtaty Aqmaral Álnazarova elordalyq medısı­na ýnıversıtetiniń stýdent­te­ri­men jáne ujymymen kezdesip, bolashaq dárigerlermen birge Ko­ns­tıtýsııaǵa engiziletin túze­tý­­lerdi talqylady.

Senator kezdesýge qatysý­shy­lar­ǵa Konstıtýsııaǵa en­gi­zi­letin ózgerister men to­lyq­tyrýlar týraly aıtyp, alda­ǵy referendýmdy ótkizý máse­le­le­rin talqylady.

«Konstıtýsııaǵa engizý kóz­de­lip otyrǵan ózgerister Qa­zaq­­standa tarıhı oqıǵa jáne el azamattarynyń kóp jyl­­ǵy talaptary bolyp otyr. Osy­ǵan baılanysty halyqtyń mem­le­ket­ti basqarýǵa tikeleı qaty­sýyna ákeletin ózgerister óte kóp», dedi Aqmaral Álna­za­rova.

Ol sonymen qatar medı­sı­nalyq sala qyzmetkerleri men stýdent jastardyń refe­rendýmǵa belsendi qatysýy­nyń mańyzdylyǵyn atap ótip, júr­gizilip jatqan Konstı­tý­sııa­lyq reformada kóterilgen máse­lelerdiń zor aýqymyna qaty­sý­shylardyń nazaryn aýdardy.

Ýnıversıtet stýdentteri men oqy­týshylary óz kezeginde res­pýb­lıkalyq referendýmǵa qa­tysýǵa daıyn ekendikterin bil­dirip, Konstıtýsııaǵa engizi­le­tin túzetýlerdi qoldaı­tyn­da­ryn aıtty.