Kókpektige kókpektilikterden kómek

Qaraǵandynyń tasqynnan zardap shekken Kókpekti aýylyna shyǵysqazaqstandyqtardyń «Kómek kerýeni» jóneltildi. Kókpektilikterge kómek re­tinde azyq-túlik, kıim-keshek pen qurylys materıaldarynan bólek 300 bas usaq mal úlestirildi. О́ńir basshysy Berdibek Sa­parbaev «Tabıǵattan zardap shekken kórshilerimizge kómek qolyn sozý – bizdiń paryzymyz. Bizde de sý jaıylǵan kezde qaraǵandylyqtar kómegin aıap qalmaǵanyn jaqsy bilesizder» degen edi. Kerýendi qurý kezinde apattan zardap shekken Kókpekti aýyly turǵyndarynyń barlyq qajettilikteri aldyn-ala zert­telip, esepke alyndy. Atalǵan kerýendi tasqynǵa ushyraǵan eldi mekenmen attas Shyǵys Qazaqstan oblysy Kókpekti aýdanynyń ákimi Dúısenǵazy Mýsın bastap bardy. Aıta ketelik, osydan tórt jyl buryn bul aýdan da tasqynmen betpe-bet kelip, tabıǵı apat saldaryn túkpir-túkpirden jetken kómektiń arqasynda eńsergen edi. Kókpekti jurtynyń bas­panalaryn qalpyna keltirý maqsatynda shyǵys­qazaq­stan­dyq­tar zardap shegýshilerge 15 júk mashınalaryna tıelgen 20 tonna un, bıdaı, jarma, kartop pen kúnbaǵys maıy, 300 bas usaq mal, 25 tekshe metr taqtaı, 20 tonna sement jet­kizdi. 2,5 mln. teńgeniń tósek jabdyqtary men jýyný-jýý zattary da kókpektilikterge kómek retinde usynyldy. Ke­rýenshiler sondaı-aq kásip­ker­ler men sharýa qoja­lyq­tarynyń jetekshileri tarapynan bólingen 2 mıllıon teńge qarajatty tabys etti. Dýman ANASh, «Egemen Qazaqstan». Shyǵys Qazaqstan oblysy.