Budan buryn habarlanǵanyndaı, 19 sáýir kúni 17 saǵat 48 mınýtta Atyraý temir jol bólimshesiniń Saǵyz-Maqat ýchaskesinde №41 «Almaty-Atyraý» baǵytyndaǵy jolaýshylar poıyzy apatqa ushyrap, 12 vagon relsten shyǵyp ketken edi. Bul týraly «Qazaqstan temir joly» UQ» AQ baspasóz qyzmeti habarlady.
«Oqıǵa bolǵan jerde jolaýshylardy evakýasııa jasaý úshin avtokóliker men qosymsha jolaýshylar vagondary berildi», - delingen habarlamada.
Saǵat 22:00-de 250 jolaýshy Maqat kentine jetkizildi. Qalǵandary 24:00 saǵatqa qaraı ákelindi.
Atyraý oblysy ákimdiginiń jáne Tótenshe jaǵdaılar mınıstrliginiń aralasýlarymen zardap shekkenderge járdem jasaldy. Qurbandyqtar joq.ı
Qazir Ulttyq temir jol kompanııasy atalmysh jol ýchaskesindegi jaǵdaıdy durystap, qozǵalystyń qalpyna kelýi jolyndaǵy barlyq jumystardy sol boıda bastap ketti. Sonymen qatar «Qazaqstan temir joly» UQ» AQ qurǵan arnaıy komıssııa apattyń oryn alý sebebin tekserýge de kiristi.
Oqıǵa Saǵyz-Maqat ýchaskesiniń Muqyr-Janterek bóliginde oryn alǵan. Apat bolǵan kezde jolaýshylar poıyzynda 495 adam bolǵan.
Jolaýshylar poıyzdarynyń keshigýlerine baılanysty barlyq suraqtardy Astanadaǵy myna telefonǵa habarlasý arqyly bilýge bolady: 8 7172 600 132.
Apattyń oryn alýyna baılanysty qylmystyq is qozǵaldy.
Qurysh Nurymbet.
Derekkóz: «Qazaqstan temir joly» UK» AQ baspasóz qyzmeti.