Qazir ǵana AQSh astanasy – Vashıngton qalasyndaǵy DC Armory sport kesheninde jartylaı aýyr salmaqtaǵy (79,38 kg) IBF versııasy boıynsha álem chempıony, amerıkalyq Bernard Hopkıns pen WBA nusqasynyń sýperchempıony qazaqstandyq Beıbit Shúmenov arasyndaǵy urys aıaqtaldy. Onda joǵarydaǵy eki ataq birdeı sarapqa salyndy. Bul týraly egemen.kz tilshisi habarlady.
Rıngtegi laqap apaty «Jendet» («Palach») bolyp tabylanyn 49 jastaǵy Bernard Hopkıns shaıqas aldynda óziniń jeńiske jetetinin áldeneshe márte málim etken. Odan bizdiń Beıbit te qalysqan joq. Sonymen, bir-birlerin sózben qaǵystyrǵan eki tarlan aqyry sharshy alańnyń ústinde kezdesti.
Shaıqastyń alǵashqy úsh raýndy Beıbittiń azdaǵan basymdyǵymen ótti. Biraq sodan bastap óziniń súıikti taktıkasyn súıengen Bernard artyqshylyq ala bastady. Ol qalǵan arýndtyń bárinde de upaı sanymen alda júrdi. Al 11-raýndta Beıbit onyń qatty soqqysyna túsip qalyp, nokdaýnǵa uryndy. Sońǵy raýndta Hopkınstiń basym ekenine eshbir kúmán qalǵan joq.
Nátıjesinde tóreshiler 2:1 esebimen jeńisn3 Bernard Hopkınske berildi. Osylaısha amerıkalyq boksshy -p3yt týra 49 jas, 3 aı jáne 4 kúnge tolǵan shaqta eń jasy úlken chempıon retindegi óziniń rekordyna taǵy ózgeris engizdi.
Eske sala keteıik, amerıkalyq atlet óziniń álemdik rekordyna 2011 jyly 46 jas 126 kúndik kórsetkishimen jetken edi. Sonda ol fransýz Jan Paskaldy utyp, Búkilálemdik boks serııasynyń (WBC) úzdigi atanyp, 45 jasynda chempıon bolǵan Djordj Formenniń rekordyn jańartqan edi. Al 2012 jylǵy sáýirde Hopkıns otandasy Ched Doýsonnan upaı sanymen utylyp, joǵarydaǵy ataǵynan aırylyp qalǵan. Biraq arada 9 aı ótkende Bernard amerıkalyq Teıvorıs Klaýdty tize búktirip, 48 jastan 1 aı 22 kún asqanynda IBF versııasynyń chempıony bolǵan. Al ótken jylǵy 26 qazanda tegi japon germanııalyq boksshy Karo Mýratany jeńip, óziniń álemdik rekordyn 48 jas, 9 aı jáne 12 kúnge ulǵaıtty.
Osy kezge deıin ol rıngke 64 ret shyqsa, sonyń 54-inde jeńipti, bulardyń 32-sin nokaýtpen aıaqtapty. Budan basqa, 6 jeńilisi jáne 2 teń urysy bar.
Damır Qojamqul.
Derekkóz: egemen.kz.
Foto: ITAR-TASS.