Fýtboldan eki qurlyq birinshiliginiń jeńimpazdary – Italııa (Eýropa) men Argentına (Ońtústik Amerıka) Anglııada Fınalıssıma-2022 kýbogyn sarapqa saldy.
90 myń jankúıer syıatyn áıgili «Ýemblı» stadıonynda ótken matchta Ońtústik Amerıka ókilderiniń mereıi ústem boldy – 3:0. Matchtyń 28-mınýtynda argentınalyq Laýtaro Martınes esep ashsa, birinshi taımnyń sońynda Anhel Dı Marııa tablodaǵy esepti eseledi. Al ekinshi taımnyń sońynda Italııa chempıonatyndaǵy úzdik surmergenderdiń biri Paýlo Dıbala Donnarýmmany qapy qaldyryp, oıynnyń núktesin qoıdy. Osylaısha, alǵash ret uıymdastyrylǵan Fınalıssımada Argentına quramasy top jardy. Al Lıonel Messı matchtyń úzdik oıynshysy atandy.
Aıta keteıik, Eýropa chempıony men Ońtústik Amerıka kýbogynyń ıegerleri baq synaıtyn Fınalıssıma matchyn ótkizý 2021 jyldyń 15 jeltoqsanynda bekitilgen bolatyn. Endi kelesi jolǵy týrnır 2028 jyly uıymdastyrylady dep josparlanyp otyr.