Qytaıdyń ońtústik-batysyndaǵy Iýnnan povınsııasynda ornalasqan kómir shahtasynda gaz jarylyp, 13 adam qaza boldy. Bul týraly ITAR-TASS habarlady.
«Sınhýa» agenttiginiń aqpary boıynsha, 56 adam jumys isteıtin «Hýntýtıan» shahtasynda jeksenbiden dúısenbige qaraǵan túni jarylys bolǵan. Qutqarýshylar qıraǵan shahtanyń ishinen 42 kenshini aman alyp shyqty. Taǵy 14 jumysshy qırandylar astynda qalyp qoıǵan. Oqıǵa ornynda qutqarý jumystary jalǵasýda, sebebi, bir kenshiniń denesi ázirge tabylmaı otyr.
Qytaıdaǵy taý-ken óndirisi álem boıynsha eń qaýipti sanalady. Jyl saıyn mundaǵy ken oryndarynda myńdaǵan adam qaza bolýda. Kóbinese, apattardyń oryn alýyna qaýipsizdik tehnıkasynyń saqtalmaýy sebep týǵyzady eken.
Aıdar О́risbaev.
Derekkóz: Itar-tass.com.
Foto: Gazeta.ru.