Jazǵy maýsymda sýburqaqtar qala turǵyndarynyń nazaryn aýdaratyn orynǵa aınalady, al keıbir turǵyndar sýburqaqtyń janynda serýendep qana qoımaı, oǵan shomylǵysy keledi. Alaıda olar densaýlyqqa qaýip tóndiredi, dep habarlaıdy Egemen.kz elorda.info.kz saıtyna silteme jasap.
«Fontandaǵy sý jıi jańartylmaıtynyn eskergen jón. Osyǵan baılanysty vırýstyq jáne parazıttik aýrýlardy juqtyrý qaýpi joǵary. Sondaı-aq sýburqaqta qańǵybas ıtter men qustar shomylady, olar ártúrli ınfeksııalardyń qozdyrǵyshy bolýy múmkin. Onyń ústine joǵary aýa temperatýrasynda sýdaǵy mıkroorganızmder tez kóbeıedi. Sondyqtan sýburqaqta shomylý sýyq tııý qaýpimen ǵana emes, ótkir ishek ınfeksııasyna nemese konıýnktıvıtke de aınalýy múmkin. Sonymen qatar enterovırýstyq jáne rotavırýstyq ınfeksııalar, sondaı-aq A vırýstyq gepatıti úlken qaýip tóndiredi», dedi Nur-Sultan qalasynyń bas sanıtar dárigeri Sarhat Beısenova.
Beısenovanyń aıtýynsha, Sanıtarııalyq-epıdemıologııalyq baqylaý departamenti epıdemıologııalyq maýsymda mamyrdan qyrkúıekke deıin zerthanalyq zertteýlerge sý synamalaryn ala otyryp, sýburqaqtardyń sý sapasyna sanıtarlyq-epıdemıologııalyq monıtorıng júrgizedi.
«Zerthanalyq zertteýlerdiń nátıjeleri boıynsha sáıkessizdikter anyqtaldy: atap aıtqanda, Baıqońyr jáne Saryarqa aýdandarynda ornalasqan («Jastar» saraıynyń janyndaǵy sýburqaq, «Esil» SÚ aýdanynda, sondaı-aq Pýshkın skverinde jáne Abaı dańǵylynda) sanıtarlyq-hımııalyq kórsetkishter boıynsha sýburqaq keshenderiniń sýyndabuldyrlyq boıynsha ruqsat etilgen mánniń 1,1 - 1,7 ese artýy kórsetildi», dedi elordanyń bas sanıtar dárigeri.
Sondaı-aq ol A.Moldaǵulova eskertkishi men «Jastar» teatry mańyndaǵy «Atyraý» sýburqaq keshenderiniń sýynda mıkrobıologııalyq kórsetkishter boıynsha sáıkessizdik anyqtalǵanyn jetkizdi.
«Sýburqaqta júzý kezinde, basqalarmen qatar, jaraqat alý qaýpi joǵary. Fontannyń betinde ádette astyńǵy jaryq, aǵyndy saptamalar, jaı saptamalar ornalasady. Qosylǵan kommýnıkasııalardyń kesirinen mehanıkalyq jáne elektr jaraqatyn alýyńyz yqtımal», dedi Sarhat Beısenova.
Osyǵan baılanysty, astanalyq SEBD ata-analardy balalaryna qaýipsizdik jáne jeke bas gıgıenasyn saqtaý erejelerin túsindirýge shaqyrady. Eshbir jaǵdaıda balalardy qaraýsyz qaldyrmaı jáne olarǵa kún saıyn shomylýǵa tyıym salynǵan jerlerde sýǵa túsý óte qaýipti ekenin eskertken jón.