Táýelsiz Qazaqstan úshin búgingi kún tarıhı turǵyda zor mańyzǵa ıe ekeni daýsyz. Osynaý jaýapty kúnde jaýapkershilik júgin sezinip, tańdaýymyzdy jasap otyrmyz.
Memleketimizdi demokratııalyq úrdisterge saı damytýdyń bir joly – referendým. Elimizdiń Prezıdenti Qasym-Jomart Toqaev sol úshin de konstıtýsııalyq reformany Parlament arqyly qabyldamaı, halyqtyń talqysyna salǵandy jón dep sheshti. Bul álbette quptarlyq qadam. Jańa Qazaqstandy qalyptastyrý baǵytynda qolǵa alynǵan saıası naýqanǵa otandastarymyzdyń aǵylyp kelip jatqanyn kórdim. Olardyń barlyǵy da jańa ózgeristerdiń bolǵanyn qalaıdy. Daýys berý prosesi ashyq túrde ótip jatqanyn ańǵardym. Eń bastysy da sol.
Qaı-qaısymyzdyń kókeıimizde táýelsiz Qazaqstan azamattary baqytty ómir súrse degen tilektiń atoılap turǵany aqıqat. Sol turǵydan alyp qaraǵanda, referendým jańashyldyqtyń bastaýy bolsa degen tilek bar. Egemen elimiz órkendeı bersin!
Sáken BIBOSYNOV,
Tokıo Olımpıadasynyń qola júldegeri, álem chempıony