Ekinshi Respýblıkanyń resmı bastamasy

Partııa janynan Parlament Májilisiniń Tóraǵasy, partııa Tóraǵasy Erlan Qoshanovtyń basshylyǵymen Respýblıkalyq shtab quryldy. Shtab quramyna Parlament depýtattary, zııa­ly qaýym, mádenıet, sport, jastar ókilderi jáne taǵy da basqa el ómirindegi belsendi tulǵalar endi. Aımaqtarda oblystyq jáne aýdandyq deńgeıdegi shtabtar qurylyp, respýblıka boıynsha barlyǵy 218 shtab jumys istedi.

Referendýmdy qoldaý maqsatynda par­tııa basshylyǵynyń óńirlerge ju­mys saparlary jasaldy. Partııa Tór­aǵasy Erlan Qoshanov 3 óńirge baryp, jer­gilikti turǵyndarmen, túrli sala ókil­derimen, aımaq belsendilerimen kez­­­desýler ótkizdi. Mańǵystaý, Shyǵys Qazaq­­­stan jáne Qaraǵandy oblystaryn ara­­­laý kezinde 600 adamdy qamtyǵan 11 is-shara ótkizildi. Sapar barysynda Er­­­lan Qoshanov referendým jaı­­­ly aıtyp, el taǵdyryn sheshetin aýqym­­dy reformalardyń mán-mańyzyn túsindirdi.

Partııanyń baspasóz ortalyǵynda ótken brıfıng barysynda Amanat par­tııa­synyń atqarýshy hatshysy Ashat Oralov pen Májilis Tóraǵasynyń oryn­ba­sary Pavel Kazansev aqparattyq-túsin­dirý naýqanynyń nátıjeleri týraly aıtty.

«Amanat partııasy Prezıdenttiń qoǵamdyq tiregi retinde úgit-nasıhat jumy­syna birinshi kúnnen bastap belsen­di túrde kirisip ketti. Respýb­lıka­lyq shtab quryldy. Oǵan partııa tóraǵasy Erlan Qoshanov jetekshilik etti. Aı­maqtarda 218 shtab jumys istep, 12 myńnan asa úgit-nasıhat is-sharasy ótti. Barlyq kezdesýler erkin, ashyq formatta júrgizildi. Biz mundaı basqosýlardyń sanyna emes, sapasyna mán berdik.

Konstıtýsııalyq ózgeristerdi ha­lyqqa túsinikti tilmen jetkizýge tyrys­tyq. 5 maýsymda azamattar óz tań­daýyn jasap, eldiń bolashaq damý jolyna qatysty sheshim qabyldady. Osy arqyly elimiz Jańa Qazaqstannyń irgetasyn qalady. Alda kóp jumys, úlken mindetter tur», dedi Ashat Oralov.

«Úgit-nasıhat kezeńi bastalǵannan beri BAQ-ta 70-ten astam kezdesý jarııa­landy. Jalpy, teledıdarda, ınternet-basylymdarda, gazetterde 118 mate­rıal shyqty, sonyń ishinde teledıdarda 52 sıýjet, ınternet-basylymdarda 28 jarııalanym, gazetterde 38 maqala. 700-den astam repost ornalastyryldy.

Partııa fılıaldary, shtab músheleri áleýmettik jelilerdegi resmı jáne jeke paraqshalarynda 1700-den astam post jarııalady. Úgit-nasıhat ju­mystaryna qatysqan shtabtyń barlyq múshelerine alǵys aıtqym keledi. Jumysbastylyǵyna qaramastan, olar turǵyndarmen kezdesýlerge ýaqyt taba bildi, engizilgeli otyr­ǵan ózgeristerdi túsindirdi, keńes berdi, suraqtarǵa jaýap berdi», dep atap ótti ol.

Partııanyń atqarýshy hatshysy 5 maý­sym kúni barsha qazaqstandyqtardyń bir belesti baǵyndyryp, eldiń jańa damý kezeńine aıaq basqanyn atap ótti. «Muny áli kóp adam jete túsinbegen bolar, alaıda ýaqyt óte kele 5 maýsym – tarıhı kún bolǵanyn keıin moıyndaımyz. Sebebi, bul referendýmda el taǵdyry sheshildi», dep atap ótti ol.

Respýblıkalyq shtabtyń muryndyq bolýymen ótkizilgen is-sharalardyń sanyna emes, birinshi kezekte sapasyna mán bergen A.Oralov partııanyń qozǵaýshy kúshi – BPU-nyń bazasynda da jalpyulttyq referendýmnyń máni týraly túsindirý jumystary belsendi júrgizilgenin atap ótti.

Jalpy, Respýblıkalyq partııa­lyq shtab músheleri 6 mamyrdan 3 maý­sym­ǵa deıin úgit-nasıhat jumystary aıasyn­da 12,7 myń is-shara ótkizdi. Olar shal­ǵaı eldi mekenderdiń, aýyldar­dyń, qalalardyń turǵyndarymen, jas­tar­men, muǵalimdermen, kásiporyn qyz­met­kerlerimen kezdesti.

El tarıhyndaǵy aıshyqty oqıǵaǵa aza­mattardyń belsendi qatysýyn qam­tamasyz etý maqsatynda qurylyp, daıyn­dyq jumystaryna belsene atsa­lysqan taǵy bir qoǵamdyq bastamadaǵy uıym – «Qazaqstan máslıhattary depýtattarynyń birlestigi» RQB bastamasymen qurylǵan referendýmdy qoǵamdyq qoldaýdyń Respýblıkalyq shtaby (RQSh). Konstıtýsııalyq reformalardyń negizgi erejelerin keńinen túsindirýge arnalǵan is-sharalar sheńberinde dúnıege kelgen Shtabtyń jetekshisi bop biraýyzdan RQB tóraǵasy Tóleýbek Muqashev saılandy.

Qurylǵan bergi ýaqyttan beri RQSh tek aqparattyq-túsindirý ǵana emes, dóńgelek ústel, kezdesý, pikirtalas, sezd, keńes syndy formatta da túrli jıyndar uıymdastyrdy. Máselen, osy ýaqyt aralyǵynda Referendýmdy qoldaý jónindegi qoǵamdyq shtabtar res­pýblıkada 1 mıllıon 917 myńnan astam adamdy qamtı otyryp, 15 300-den astam is-shara ótkizgen eken.

Jalpy, Respýblıkalyq partııalyq shtab músheleri referendýmdy qol­daý maqsatynda Qaraǵandy, Mańǵystaý, Soltústik Qazaqstan, Túrkistan, Batys Qazaqstan, Aqmola jáne taǵy da basqa oblystarda bolyp, óńirdegi shalǵaı eldi mekenderdiń, aýyldardyń, qala­lardyń turǵyndarymen, jas­tarmen, muǵalimdermen, kásiporyn qyzmetkerlerimen kezdesti.  Halyqtyń bel­sendi bolýy aqparattyq-túsindirý jumys­tarynyń keń kólemde júrgizil­gendigimen baılanysty ekeni sózsiz. Sondyqtan da partııa oflaın formatpen qatar, kreatıvti onlaın múmkindikterdi de keńinen paıdalanǵan. Máselen, «Talqylaý» dıalog alańynda Facebook áleýmettik jelisiniń tikeleı efırinde de qatysýshylar qarasy kóp boldy. Al Instagram paraqshasynda «Ashyq suhbat alańy» aıdary ashylyp, onlaın rejimde kásibı maman ıeleriniń aqyl-keńesteri berilgen. Odan bólek Tik Tok, WhatsApp, Youtube jáne taǵy da basqa qosymshalarda da túrli kontent boıynsha halyqpen baılanys ornatyldy.

Ashat Oralovtyń málimdeýinshe, referendým jańa memlekettik basqarý modeli – Ekinshi respýblıkanyń resmı bastamasy boldy. «Endi bizdi kútip turǵan is-sharalar az emes. Ol qandaı ju­mystar? Eń aldymen, halyq qol­daǵan kons­tıtýsııalyq ózgeristerdi zańǵa aı­nal­­dyrý kerek. Bul jerde Parla­ment depý­tattaryna úlken senim men jaýap­ker­shilik artylady. Oǵan bizdiń partııa­myzdyń depýtattary da belsene qatysady.

Jalpy, referendým elimizde demo­kratııalyq sana men salt-dástúrdiń kú­sheı­genin dáleldedi. Sebebi azamattarymyz túbegeıli ózgeristerdi talap etti. Mu­ny partııa ınstıtýty júrgizgen saýalda­ma da dáleldedi. Prezıdent usynǵan re­for­malar sol ózgerister suranysyna naq­ty jaýap boldy», dep atap ótti partııa ókili.

Sondaı-aq A.Oralov osyndaı taǵ­dyrsheshti kezeńde Amanat partııa­synyń úlken mindetti abyroımen alyp ótkenin aıtty. Sóziniń sońynda ol Jańa Qazaqstannyń keskini, qurylymy, baǵyt-baǵdary anyqtalyp jatqanyn, endi Jańa, Ádiletti Qazaqstandy birge qurý – barlyǵymyzǵa ortaq mindet ekenine basymdyq berdi.

Parlament Májilisi tóraǵasynyń orynbasary Pavel Kazansevtiń aıtýynsha, depýtattyq korpýstyń aldynda zań shyǵarýshylyq qyzmet boıynsha aýqymdy jumys tur.

«12 mamyr men 3 maýsym aralyǵynda depýtattar elimizdiń aımaqtaryndaǵy 1 204 eldi mekenge baryp, barlyq sala ókilderinen turatyn 120 myńǵa jýyq adamnyń qatysýymen 2,5 myńnan astam kezdesý ótkizdi. Kezdesýler beıresmı, senimdi túrde, ashyqtyq pen aıqyndyq jaǵdaıynda ótti. Alty myńnan astam ótinish pen usynys qaralyp, partııa men Úkimet tarapynan pysyqtalǵannan keıin azamattarǵa baıandalatyn bolady», dedi Pavel Kazansev.

Daýys berý kúni Amanat partııasynyń 28 myńǵa jýyq ókili elimizdiń barlyq referendým ýchaskelerinde daýys berý barysy zańdylyǵynyń saqtalýyn qadaǵalady.