Qazaqstan bıliginiń jalpyhalyqtyq referendým ótkizýi – demokratııalyq qundylyqtarǵa jańasha kózqaras tanytýy. Osylaısha Ortalyq Azııadaǵy kóshbasshy memlekettiń lıderi Jańa Qazaqstandy qurýǵa nıettenip otyr. Qaı-qaısymyz bolsyn, árbir halyqtyń, árbir memlekettiń ózine tán baı tarıhy bar ekenin eshqashan qaperden shyǵarmaǵanymyz abzal.
Shyndyqqa týra qarasaq, siz bir kúnde eshqandaı erejeler men normalardy ózgerte almaısyz. Ol úshin birshama ýaqyt qajet. Sondaı-aq azamattardy naqty sheshim qabyldaýǵa barynsha kóbirek tartqan durys. Sol turǵydan alyp qaraǵanda Qazaqstanda ótkizilgen referendýmdy demokratııalyq qundylyqtardy baǵalaýdyń jańa bir joly dep túsingen abzal.
Jalpy alyp qaraǵanda Qazaqstandaǵy saıası naýqan óz deńgeıinde ótti deýge bolady. Dese de bolashaqta Qazaqstanda memleket pen memlekettik apparatty jaqsartý jolynda áli biraz jumystar isteýge týra keledi. Bul dáleldeýdi qajet etpeıtin aksıoma ispetti. Memleket ondaı qadamǵa barýǵa daıyn. Sol úshin de jalpyhalyqtyq referendým ótkizip otyr. Al atalǵan saıası naýqan – eldiń shynaıy demokratııaǵa umtylysynyń naqty kórinisi. Halyq bılik usynǵan ózgeristerdi oń qabyldady. Eń bastysy da – sol.
Tıberıo GRASIANI,
Vision & Global Trends jahandyq taldaý ınstıtýtynyń basshysy