Sybaılas jemqorlyqqa qarsy qyzmettiń arnaıy operasııasy barysynda ózderin quqyq qorǵaý organdarynyń qyzmetkerleri retinde tanystyrǵan alaıaqtar toby anyqtaldy, dep habarlaıdy Egemen.kz.
Bir top alaıaq kúzet fırmasynyń basshylyǵynan olardyń qarjylyq qyzmetindegi buzýshylyqtaryn áshkereleıtin materıaldardy taratpaýǵa ýáde bergeni úshin 1 mıllıon AQSh dollaryn talap etken.
Olar fırmanyń ókilinen 600 myń AQSh dollaryn alý sátinde ustaldy.
«Sottyń sanksııasymen qylmysty uıymdastyrýshyǵa qatysty «kúzetpen ustaý» túrindegi bultartpaý sharasy qoldanyldy. Qazirgi ýaqytta qylmystyq is boıynsha tergeý áreketteriniń kesheni júrgizilýde. Toptyń uqsas qylmystar jasaýǵa qatystylyǵy tekserilýde», delingen ANTIKOR habarlamasynda.
О́zge aqparat QR QPK 201-babyna sáıkes jarııa etýge jatpaıdy.