Oqıǵanyń mán-jaıyn sol jerde bolǵan kýágerler málimdedi. Keleńsiz jaıt búgin, ıaǵnı 7 maýsym kúni saǵat 11.00 shamasynda oryn aldy, dep habarlaıdy Egemen.kz.
Kýágerler oqıǵanyń qalalyq №12 avtobýsta bolǵanyn habarlaǵan. Kıkiljiń «Sportzal» aıaldamasynda oryn alǵan. Qala turǵyny qoǵamdyq kólikten jol aqysyn tólemeı túsip ketken.
«Júrgizýshi oǵan jol aqysyn tóleý qajettigin daýys kótermeı eskertti. Jolaýshy júrgizýshiniń avtobýstan shyǵýyn talap etti de, buryshty ballondy kózine shashyratyp jiberdi. Júrgizýshi kózin súrtýge tyrysty, al jolaýshy qaıtadan ballondy shashyp, qashyp ketti. Barlyǵymyz shoshyp qaldyq», deıdi oqıǵa kýágeri.
Qostanaı PD baspasóz qyzmeti oqıǵa boıynsha málimdeme jasap úlgerdi.
«О́tinish qabyldandy. Polısııa jasaǵyna er adamdy ustap alý buıyryldy», delingen departament ókilderiniń habarlamasynda.
Arýjan Amangeldi