Seısenbi kúni Dúnıejúzilik banktiń (DB) dırektorlar keńesi Ýkraına bıligine $1,49 mlrd kóleminde qarjylaı qoldaý kórsetý týraly sheshim qabyldady, dep habarlaıdy Egemen.kz TASS aqparat agenttigine silteme jasap.
Bul – Dúnıejúzilik banktiń Kıevke jibermek bolǵan 4 mlrd dollar kólemindegi aqshalaı kómek paketiniń bir bóligi. Bul qarajatqa Ulybrıtanııa, Nıderlandy, Lıtva, Latvııa jáne basqa da birqatar elder bergen nesıelik kepildikter kiredi. Dúnıejúzilik bank bul aqshanyń «memlekettik qyzmetkerler men áleýmettik sala qyzmetkerlerine jalaqy tóleýge» baǵyttalatynyn eseptep otyr.
Dúnıejúzilik bank prezıdenti Devıd Malpas banktiń Ýkraınaǵa «qarjylyq qoldaý kórsetý úshin donor eldermen jumys istep jatqanyn», sonymen qatar «ýkraınalyqtardyń densaýlyq saqtaý, bilim berý jáne áleýmettik qyzmetterge qol jetkizýine kómektesý» baǵytynda sharalar qabyldap jatqanyn atap ótti.